ગુજરાતમાં ધોધમાર વરસાદ બાદ અનેક નદીનાળા વહેતા થયા છે. વરસાદી માહોલ વચ્ચે અનેક ધોધ જીવંત બન્યા છે. હાલ અનેક ધોધમાંથી વરસાદી પાણી વહી રહ્યા હોય નયનરમ્ય દ્રશ્યો સર્જાયા છે. આ તરફ ડાંગ જિલ્લામાં સાર્વત્રિક વરસાદને પગલે અનેક ધોધ સક્રિય થયા છે. નદીઓમાં નવા નીર આવતા અનેક ચેકડેમો ઓવરફ્લો થયા. આ તરફ ગિરનારમાં પણ ભારે વરસાદ નોંધાયો છે.
ડાંગ જિલ્લામાં સાર્વત્રિક વરસાદ
ડાંગ જિલ્લામાં સતત વરસાદના કારણે અનેક ધોધ સક્રિય થયા છે. આ સાથે નદીઓમાં નવા નીર આવતા અનેક ચેકડેમો ઓવરફ્લો થવાની સાથે પૂર્ણાં, અંબિકા, ખાપરી અને ગીરા નદીના જળ સ્થળમાં વધારો થયો છે. ચોમાસાની મજા માણવા સાપુતારા ખાતે સહેલાણીઓ પહોંચ્યા છે. આ તરફ વરસાદી માહોલમાં સાપુતારામાં આહલાદક દ્રશ્યો સર્જાયા છે.
જુનાગઢમાં પણ વહી રહ્યા છે અનેક નયનરમ્ય ઝરણા
જૂનાગઢ જિલ્લામાં એક જ દિવસમાં 10 ઈંચ વરસાદ ખાબક્યો છે. જેને લઈ ગિરનાર પર્વત અનેક નયનરમ્ય ઝરણા વહી રહ્યાં છે. આ સાથે ગિરનાર પર્વત પર સતત પડી રહેલા વરસાદથી ધોધ જીવીત થયા છે. ગિરનાર પર્વત ઝરણાંમય બની ગયો હોય તેવા દ્રશ્યો સર્જાયા છે. જેને લઈ યાત્રીઓ મુશળધાર વરસાદમાં પણ યાત્રા કરવા પહોંચ્યા છે.
