7 ફોટો ગેલેરી

ઓટો / મારુતિ બલેનોનો ધમાકો, ટાટા નેક્સોન અને પંચને પછાડીને બની દેશની નંબર-1 કાર

Last Updated: 11:08 PM, 12 October 2026

FOLLOW ON

શેર કરો

સપ્ટેમ્બરમાં મારુતિ બલેનોએ ટાટા પંચને પાછળ રાખીને સૌથી વધુ વેચાતી કારનું સ્થાન મેળવ્યું છે. કાર માર્કેટમાં આ મોટો ફેરફાર ગ્રાહકોની પસંદગીમાં આવેલા બદલાવને સ્પષ્ટ રીતે દર્શાવે છે.

1/7

1. મારુતિ સુઝુકી બલેનો

ભારતના કાર માર્કેટમાં સપ્ટેમ્બર 2026 દરમિયાન મોટો ઉલટફેર જોવા મળ્યો છે. આ મહિને મારુતિ સુઝુકી બલેનો દેશની સૌથી વધુ વેચાતી પેસેન્જર કાર બની ગઈ છે. કંપનીએ આ મહિને તેની 25,392 યુનિટ્સ ડિસ્પેચ કરી છે. જે ગયા વર્ષના સપ્ટેમ્બરની સરખામણીમાં 93 ટકા વધુ છે. જેમાં ટાટા નેક્સોન અને ટાટા પંચે પણ મજબૂત કામગીરી બજાવીને ટોપ-3 માં સ્થાન મેળવ્યું છે. ટોપ-10 કારની યાદીમાં મારુતિ સુઝુકીના 6 મોડલ્સ સામેલ રહ્યા છે.

આ તસવીર શેર કરો

2/7

2. સૌથી વધુ વેચાતી પેસેન્જર કાર

મારુતિ બલેનોએ સપ્ટેમ્બરમાં 25,392 યુનિટ્સની વેચાણ નોંધાવી. ગયા વર્ષે આ જ મહિને 13,173 યુનિટ્સ વેચાઈ હતી. આમ વાર્ષિક ધોરણે 93 ટકાની વધારો થયો છે જે ટોપ-10 માં સૌથી વધુ વૃદ્ધિ છે. પ્રીમિયમ હેચબેક સેગમેન્ટમાં બલેનોની મજબૂત પકડને કારણે તે નંબર વન કાર બની છે.

આ તસવીર શેર કરો

3/7

3. નેક્સોન

ટાટા મોટર્સની નેક્સોન 20,456 યુનિટ્સ સાથે બીજા સ્થાને રહી. ગયા વર્ષે તેની 22,573 યુનિટ્સ વેચાઈ હતી તેથી વાર્ષિક ધોરણે 9 ટકાની ઘટાડો થયો છે. ટાટા પંચે 20,333 યુનિટ્સ સાથે ત્રીજું સ્થાન મેળવ્યું અને ગયા વર્ષની સરખામણીમાં 28 ટકાની વૃદ્ધિ નોંધાવી.

આ તસવીર શેર કરો

4/7

4. મારુતિ સુઝુકીનું વર્ચસ્વ

ટોપ-10 ની યાદીમાં મારુતિ સુઝુકીનું વર્ચસ્વ સ્પષ્ટ જોવા મળ્યું. જેમાં બલેનો, ફ્રોન્ક્સ, વેગન આર, ડિઝાયર, સ્વિફ્ટ અને એર્ટિગા આ યાદીમાં સામેલ છે. ફ્રોન્ક્સે 19,282 યુનિટ્સ અને એર્ટિગાએ 16,911 યુનિટ્સની ડિસ્પેચ નોંધાવી. બંને મોડલ્સમાં વાર્ષિક ધોરણે આશરે 40 ટકાની વૃદ્ધિ થઈ છે. હેચબેક, કોમ્પેક્ટ SUV અને MPV સેગમેન્ટમાં કંપનીની કારોને સારી માંગ મળી રહી છે.

આ તસવીર શેર કરો

5/7

5. ટાટા નેક્સોન અને પંચ

ટાટા નેક્સોન અને પંચે મળીને 40,789 યુનિટ્સ ડિસ્પેચ કરી. જેમાં નેક્સોનમાં થોડો ઘટાડો થયો હોવા છતાં પંચની વધતી માંગે કંપનીને મજબૂતી આપી છે. કોમ્પેક્ટ SUV સેગમેન્ટમાં તાતાની મજબૂત હાજરી જોવા મળી રહી છે.

આ તસવીર શેર કરો

6/7

6. હેચબેક કારોની માંગ પણ મજબૂત

SUVની લોકપ્રિયતા છતાં હેચબેક કારોની માંગ પણ મજબૂત રહી. જેમાં બલેનો, વેગન આર અને સ્વિફ્ટે મળીને 61,000થી વધુ યુનિટ્સ વેચી. ઓછી કિંમત, રોજિંદા ઉપયોગમાં સરળતા અને સારી માઇલેજને કારણે હેચબેકની માંગ જાળવી રહી છે. હ્યુન્ડાઈ ક્રેટા 17,657 યુનિટ્સ સાથે સાતમા સ્થાને અને મહિન્દ્રા સ્કોર્પિયો 17,313 યુનિટ્સ સાથે નવમા સ્થાને રહી.

આ તસવીર શેર કરો

7/7

7. કુલ ડિસ્પેચ 1,91,332 યુનિટ્સ

સપ્ટેમ્બર 2026 માં ટોપ-10 કારોની કુલ ડિસ્પેચ 1,91,332 યુનિટ્સ રહી છે. જે ગયા વર્ષના 1,63,725 ની સરખામણીમાં 17.2 ટકા વધુ છે. આ આંકડા ભારતીય પેસેન્જર વાહન બજારમાં વિવિધ સેગમેન્ટની કારોને સારી માંગ મળી રહી હોવાનું દર્શાવે છે.

આ તસવીર શેર કરો

સંકળાયેલા મુદ્દાઓ

car sales Tata Nexon Maruti Baleno