ધમકી / મુંબઈ એરપોર્ટને બોમ્બથી ઉડાવી દેવાની ધમકી મળતા હડકંપ, 48 કલાકનું આપ્યું અલ્ટિમેટમ, બિટકોઈનમાં માંગયા આટલા લાખ ડોલર

• મુંબઈ એરપોર્ટને મળ્યો ધમકી ભર્યો મેઈલ 
• એરપોર્ટને બોમ્બથી ઉડાવી દેવાની ધમકી 
• બિટકોઈનના રૂપમાં માંગ્યા 10 લાખ ડોલર

મુંબઈના ઈન્ટરનેશનલ એરપોર્ટને બોમ્બથી ઉડાવી દેવાની ધમકીનો મામલો સામે આવ્યો છે. પોલીસે એફઆઈઆર નોંધી લીધી છે. આરોપીના વિશે જાણકારી મેળવવામાં આવી રહી છે. આ ધમકી એક મેઈલ દ્વારા આપવામાં આવી છે. મેઈલ મોકલનારે 48 કલાકની અંદર 10 લાખ ડોલર આપવાની માંગ કરી છે તે પણ બિટકોઈનમાં. ઈમેલમાં આગળ લખવામાં આવ્યું છે. જો બિટકોઈનમાં રકમ ન આપવામાં આવી તો ખરાબ હાલ થશે. 

મુંબઈ પોલીસે નોંધી ફરિયાદ
મુંબઈની સહાર પોલીસે અજાણ્યા શખ્સના વિરૂદ્ધ કલમ 385 અને 505(1)(b) હેઠળ કેસ નોંધ્યો છે. પોલીસનું કહેવું છે કે મેઈલના આધાર પર એફઆઈઆર નોંધવામાં આવી છે. આગળની તપાસ કરવામાં આવી રહી છે.

પોલીસ અધિકારીના જણાવ્યા અનુસાર “[email protected]” નામની એક આઈડીથી ધમકી ભરેલા ઈમેલ આવ્યા છે. પોલીસે આગળ જણાવ્યું કે આરોપીએ આ ઈમેલ ગુરૂવાર સવારે લગભગ 11 વાગ્યે મુંબઈ ઈન્ટરનેશનલ એરપોર્ટ લિમિટેડના ફીડબેક ઈનબોક્સમાં મોકલ્યો છે. 

ટર્મિનલ-2નો બોમ્બથી ઉડાવવાની ધમકી 
ધમકી ભરેલા મેઈલમાં આરોપીએ લખ્યું છે કે તે એરપોર્ટ માટે છેલ્લી ચેતાવણી આપી રહ્યુ છે. જો 10 લાખ ડોલર ન આપવામાં આવ્યા તો અમે 48 કલાકની અંદર એરપોર્ટના ટર્મિનલ 2ને બોમ્બથી ઉડાવી દઈશું. તેના માટે અમને બિટકોઈનમાં એક મિલિયન ડોલર મોકલવામાં આવે. 24 કલાક બાદ એક બીજુ એલર્ટ આપવામાં આવશે. આ ધમકી ભરેલો ઈમેલ જે IP એડ્રેસથી મોકલવામાં આવ્યું છે તેની જાણકારી મળી ગઈ છે. પોલીસ હવે ઈમેલ મોકલનાર શખ્સની ઓળખ કરવામાં લાગી ગઈ છે.