એક્શન / રાજકોટમાં નશાનો કાળો કારોબાર, બે ટ્રક ભરીને દારૂ ઝડપાતા ચકચાર, અધિકારીઓ પેટીઓ ગણીને થાખ્યા

• રાજકોટમાં દારૂની હેરાફેરીનો પર્દાફાશ 
• પોલીસે દારૂ ભરેલા 2 ટ્રક ઝડપી પાડ્યા
• હિરાસર GIDCમાં ઝડપાયો દારૂનો જથ્થો

ગુજરાતમાં દારૂબંધી હોવા છતા અનેક વાર દારૂની રેમલછેલ જોવા મળે છે. રાજ્યમાં બૂટલેગરો સક્રિય થયા છે તો બીજી તરફ પોલીસ અલર્ટ બની ગઈ છે. ગુજરાતમાં દારુ ઘૂસાડવા માટે પણ બૂટલેગરો પણ અવનવી તરકીબો અજમાવતા જોવા મળે છે ત્યારે પોલીસ એક્શન મોડમાં છે. આજે રાજકોટમાં એરપોર્ટ પોલીસે દારૂનો જથ્થો ભરેલી 2 ટ્રક ઝડપી પાડી છે તેમજ હિરાસર GIDCમાં સ્ટેટ મોનિટરિંગ સેલના દરોડા પાડી દારૂ ઝડપી પાડ્યો છે.

રાજકોટમાં  ફરી સ્ટેટ મોનિટરિંગ સેલના દરોડા 
રાજ્માં દારૂ બંધી હોવા છતાં પણ બૂટલેગરો બેફામ થયા હોય તેવા કિસ્સાઓ સામે આવી રહ્યાં છે. આજે રાજકોટમાં ફરી સ્ટેટ મોનિટરિંગ સેલના દરોડા પાડ્યાં છે. હિરાસર GIDCમાં દારૂનો જથ્થો ઝડપાયો છે. લાખો રૂપિયાનો દારૂ ઝડપાયો છે. SMCએ દારુના જથ્થાની ગણતરી શરૂ કરી છે.

રાજકોટમાં દારૂની હેરાફેરીનો પર્દાફાશ 
રાજકોટમાં દારૂની હેરાફેરીનો પર્દાફાશ કરાયો છે. એરપોર્ટ પોલીસે દારૂનો જથ્થો ભરેલી 2 ટ્રક ઝડપી પાડી છે. સ્ટેટ મોનિટરિંગ સેલ બાદ એરપોર્ટ પોલીસને સફળતા હાથે લાગી છે. એરપોર્ટ પોલીસને તપાસ દરમિયાન દારૂનો જથ્થો ઝડપાયો છે.