- ઓડિશામાં વીજળી પડવાની ઘટનાએ લોકોમાં સર્જી દીધો ભયનો માહોલ
- 61 હજાર વખત વિજળી પડવાના બનાવ
- જાણો કારણ અને સમગ્ર પ્રક્રિયા
ઓડિશામાં વીજળી પડવાની ઘટનાએ લોકોમાં ભયનો માહોલ ઉભો કરી દીધુ છે. 61 હજાર વખત વિજળી પડવાના બનાવે લોકોના શ્વાસ અધર કરી દીધા છે. માત્ર 2 કલાકમાં જ વીજળી પડવાની આ ઘટનાએ લોકોને ચોંકાવી દીધા છે. આ ઘટનામાં 12 લોકોએ જીવ ગુમાવ્યા છે. જ્યારે 14 લોકો ઘાયલ થયા છે. ઓડિશા સ્ટેટ ડિઝાસ્ટર મેનેજમેન્ટ ઓથોરિટી અનુસાર ગત શનિવારે બપોરે સાડા 3 વાગ્યાથી સાડા 5 વાગ્યા સુધીમાં 61 હજારથી વધુ વખત વીજળી પડવાની ઘટના બની હોવાનું સામે આવ્યું છે.
હવામાન વિભાગની આગાહી
આ વીજળી પડવાની ઘટના બાદ હવામાન વિભાગ દ્વારા 4 દિવસની વરસાગની આગાહી કરવામાં આવતા લોકોની ચિંતા વધી ગઈ છે. સાયક્લોનિક સર્ક્યુલેશનથી ચોમાસું સક્રિય થયું છે. જેથી સમગ્ર રાજ્યમાં ભારે વરસાદ પડવાન આગાહી છે.
કેમ વીજળી પડવાની ઘટના વારંવાર બને છે?
હવામાન વિભાગ અનુસાર લાંબા અંતર બાદ જ્યારે ફરી પાછુ ચોમાસુ સક્રિય થાય ત્યારે વીજળી પડવાની ઘટનાઓ બનતી હોય છે. અને કદાચ આ જ કારણથી અત્યારે ઓડિસામાં 61 વખત વીજળી પડવાની ઘટના બની હોય. ઠંડી અને ગરમ હવાનું જ્યારે અથડામણ થાય ત્યારે આવી વીજળી પડવાની ઘટનાઓ બને છે.
હવામાન વિભાગ અનુસાર વીજળી પડવાની સૌથી વધુ ઘટનાઓ મધ્યપ્રદેશમાં બને છે. જે બાદ છતીસગઢ, ઓડિશા, મહારાષ્ટ્ર અને બંગાળમાં બને છે. વાતાવરણમાં વધુ માત્રામાં વીજળીના ઝડપી વિસર્જનને વીજળી કહેવામાં આવે છે. આ વીજળી ભેજથી ભરેલા 10-12 કિમી ઊંચા વાદળોમાં ઉદ્દભવે છે. વૈજ્ઞાનિક દ્રષ્ટિકોણથી સમજીએ તો વિદ્યુત સ્રાવનો કેટલોક જથ્થો પૃથ્વી પર પણ પડે છે. વાદળોની ટોચ પરનું તાપમાન શૂન્યથી નીચે 35-45 ડિગ્રી સેલ્સિયસ હોય છે. જેમ જેમ વાદળોમાં વરાળ વધે અને ઠંડું થવાનું શરૂ થાય છે, તેમ આ થીજી ગયેલા પાણીના ટીપા ઉપર જતા સ્ફટિકમાં ફેરવાય છે. બાદમાં તે એટલા મોટા થઈ જાય છે કે તે પડવા લાગે છે. જે દરમિયાન બને વચ્ચે અથડામણ થાય છે, જેના પરિણામે ઇલેક્ટ્રોન પેદા થાય છે.
વાદળોના ઉપરના ભાગ અને મધ્ય ભાગમાં તે હકારાત્મક અને નકારાત્મક ચાર્જ પેદા કરે છે. આ બને ભાગમાં લગભગ એકથી 10 અબજ વોલ્ટનો તફાવત હોય છે. જેમાં એકથી 10 લખનો એમ્પિયર પ્રવાહ ઉતપન્ન થાય છે અને તેનો 15 થી 20 ટકા પૃથ્વી પર પડે છે.જેના કારણે પૃથ્વી પર નુકસાન થાય છે.
