ફટાફટ ચેક કરો / તમારા નામે કોઈ સિમ કાર્ડ નથી વાપરતું ને? ફ્રોડ થાય તે પહેલા બે મિનિટમાં જ કરો ચેક

આજના આ ડિજીટલ યુગમાં છેતરપિંડીની ઘટનાઓમાં ખુબ જ વધારો થયો છે. ત્યારે દરેક વ્યક્તિએ બધી રીતે સતર્ક રહેવું જરૂરી બની ગયું છે. આજના સમયમાં મોબાઈલ નંબર ફક્ત કોલ કે મેસેજ માટે જ નથી પરંતું સાથે સાથે બેંકિંગ, સોશિયલ મીડિયા અને સરકારી સેવાઓ બધું જ તેની સાથે જોડાયેલું છે. પરંતુ જો કોઈ તમારા નામે તમારી જાણ વગર સિમ કાર્ડ કાઢી લે અને તેનો ઉપયોગ ગુનાહિત કામ માટે થાય, તો મુશ્કેલી તમારી પર આવી શકે છે.

આવા ખતરા ટાળવા માટે દૂરસંચાર વિભાગે સંચાર સાથી પોર્ટલ અને એપ શરૂ કરી છે. જેમાં તમે તમારા નામે કેટલા સિમ કનેક્શન છે તે ચેક કરી શકો છો, અજાણ્યા નંબરને બ્લોક કરવાની રિક્વેસ્ટ મૂકી શકો છો અને શંકાસ્પદ લાગે તો તમે ફરિયાદ પણ કરી શકો છો.

કેવી રીતે ચેક કરવું?

• સંચાર સાથી પોર્ટલ પર જાઓ અથવા Android / iOS એપ ઇન્સ્ટોલ કરો.
• તમારો મોબાઈલ નંબર નાખીને OTP વડે વેરિફાય કરો.
• સ્ક્રીન પર તમારા નામે રજીસ્ટર્ડ તમામ સિમ કાર્ડની યાદી આવશે.
• જો કોઈ નંબર તમારો ન હોય તો તરત જ ડિ-એક્ટિવેશન માટે રિક્વેસ્ટ મૂકો.

શંકાસ્પદ સિમ મળે તો શું કરવું?

• પોર્ટલ પરથી ડિ-એક્ટિવેશન રિક્વેસ્ટ મોકલો.
• તમારા ટેલિકોમ પ્રોવાઈડરને જાણ કરો.
• જરૂરી હોય તો પોલીસમાં ફરિયાદ નોંધાવો.

આ પણ વાંચોઃ 'આ બિહારના ભાગ્યોદયની શરૂઆત...' જાનકી મંદિરના શિલાન્યાસ બાદ બોલ્યા અમિત શાહ

શા માટે જરૂરી છે?

ફ્રોડ કરનારાઓ ચોરી કરેલા દસ્તાવેજો કે ફેક આઈડેન્ટિટીથી સિમ કાઢીને બેંકિંગ છેતરપિંડી, સ્પેમ કોલ અથવા અન્ય ગુનામાં તેનો ઉપયોગ કરી શકે છે. સમયાંતરે તમારા નામે રજીસ્ટર્ડ સિમની તપાસ કરવાથી તમે આવા જોખમો અટકાવી શકો છો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ