અનુરોધ / ગમે તેની સરકાર આવે, મદદ કરતાં રહેજો...: શ્રીલંકાના દિગ્ગજ નેતાએ PM મોદીને કરી ઈમોશનલ અપીલ

• સાજિથ પ્રેમદાસાએ વડાપ્રધાન નરેન્દ્ર મોદીને ભાવનાત્મક અપીલ કરી
• શ્રીલંકામાં આજે ત્રિકોણીય હરીફાઈમાં સીધી રાષ્ટ્રપતિની ચૂંટણી થઈ રહી છે
• SJB નેતા સાજિથ પ્રેમદાસાએ અલ્હાપારુમાને સમર્થન જાહેર કર્યું છે 

સાજિથ પ્રેમદાસાએ વડાપ્રધાન નરેન્દ્ર મોદીને ભાવનાત્મક અપીલ કરી

શ્રીલંકામાં કથળતી આર્થિક સ્થિતિ વચ્ચે દિગ્ગજ વિપક્ષી નેતા સાજિથ પ્રેમદાસાએ વડાપ્રધાન નરેન્દ્ર મોદીને ભાવનાત્મક અપીલ કરી છે. તેમણે ટ્વીટ કરીને કહ્યું, 'જે કોઈ પણ શ્રીલંકાના રાષ્ટ્રપતિ બને, માનનીય વડાપ્રધાન નરેન્દ્ર મોદી, ભારતના તમામ રાજકીય પક્ષો અને લોકોને મારી નમ્ર વિનંતી છે કે માતા લંકા અને તેના લોકોને આ આપત્તિમાંથી બહાર આવવામાં મદદ કરો.

Irrespective of who becomes the President of Sri Lanka tomorrow it is my humble and earnest request to Hon. PM Shri @narendramodi, to all the political parties of India and to the people of India to keep helping mother Lanka and it’s people to come out of this disaster.

— Sajith Premadasa (@sajithpremadasa) July 19, 2022

શ્રીલંકામાં  આજે  ત્રિકોણીય હરીફાઈમાં સીધી રાષ્ટ્રપતિની ચૂંટણી થઈ રહી છે

તમને જણાવી દઈએ કે શ્રીલંકાની સંસદમાં 44 વર્ષમાં પહેલીવાર આજે (20 જુલાઈ) ત્રિકોણીય હરીફાઈમાં સીધી રાષ્ટ્રપતિની ચૂંટણી થઈ રહી છે. કાર્યકારી પ્રમુખ રાનિલ વિક્રમસિંઘે ઉપરાંત દુલ્લાસ અલહપ્પરુમા અને અનુરા કુમારા ડિસનાયકે રાષ્ટ્રપતિની ચૂંટણી માટે મેદાનમાં છે. આ ત્રણમાંથી કોઈપણ એક દેશ છોડીને ભાગી ગયેલા ગોટાબાયા રાજપક્ષેના સ્થાને રાષ્ટ્રપતિ તરીકે ચૂંટાશે.

વિક્રમસિંઘને પોતાની પાર્ટીના નેતા સહિત વિપક્ષનું સમર્થન મળી રહ્યું છે  

ચૂંટણી પહેલા, દુલ્લાસ અલ્હાપારુમા વિક્રમસિંઘે પર લીડ લઈ રહ્યા હોય તેવું લાગે છે. તેમની પાર્ટીના મોટા ભાગના નેતાઓ ઉપરાંત તેમને વિપક્ષનું સમર્થન પણ મળી રહ્યું હોય તેવું લાગી રહ્યું છે. શ્રીલંકાના ભૂતપૂર્વ વિદેશ પ્રધાન જીએલ પીરીસે જણાવ્યું હતું કે શ્રીલંકાના શાસક પક્ષ પોદુજાના પેરામુના (SLPP)ના મોટાભાગના નેતાઓ સિવાય, વિરોધ પક્ષના નેતા પણ દુલ્લાસ અલ્હાપારુમાને રાષ્ટ્રપતિ અને સાજિથ પ્રેમદાસાને વડાપ્રધાન તરીકે જોવા માંગે છે.

વિક્રમસિંઘેને તમિલ પાર્ટીના 12માંથી ઓછામાં ઓછા 9 વોટનો વિશ્વાસ છે

જોકે, રાજકીય વિશ્લેષકોનું માનવું છે કે 73 વર્ષીય વિક્રમસિંઘે હજુ પણ રાષ્ટ્રપતિ પદની રેસમાં આગળ છે. પરંતુ 225 સીટોવાળી સંસદમાં બહુમત સાબિત કરવું એટલું સરળ નહીં હોય. જો આપણે ઓગસ્ટ 2020 ના સંસદીય માળખા પર નજર કરીએ, તો શ્રીલંકામાં આર્થિક સ્થિતિ ખૂબ જ ખરાબ થઈ તે પહેલા, 145 નંબરવાળી SLPP પાર્ટીના 52 સાંસદો તૂટી ગયા હતા. આ પછી પાર્ટીમાં 93 સભ્યો રહી ગયા હતા, જે પાછળથી 4 સભ્યોના પરત આવતા 97 થઈ ગયા હતા.આમ 225 સભ્યોના ગૃહમાં વિક્રમસિંઘેને જાદુઈ આંકડાને સ્પર્શવા માટે 113ના સમર્થનની જરૂર છે. આ માટે તેને વધુ 16 વોટની જરૂર છે. વિક્રમસિંઘેને તમિલ પાર્ટીના 12માંથી ઓછામાં ઓછા 9 વોટનો વિશ્વાસ છે. આ ઉપરાંત, તે મુખ્ય વિપક્ષ સમાગી જન બાલવેગયા (SJB) ના પક્ષપલટો પર પણ આધાર રાખે છે. તેમાંથી મોટા ભાગનાને વિક્રમસિંઘે રાજકારણમાં લાવ્યા છે.

SJB નેતા સાજિથ પ્રેમદાસાએ અલ્હાપારુમાને સમર્થન જાહેર કર્યું છે.

અલ્હાપરુમાની તરફેણમાં વધુ એક મોટી ઘટના પ્રકાશમાં આવી છે. શ્રીલંકા ફ્રીડમ પાર્ટી (SLFP) એ પણ તેમને મત આપવાનો નિર્ણય કર્યો છે. TPA નેતા સાંસદ મનો ગણેશને કહ્યું કે તમિલ પ્રોગ્રેસિવ એલાયન્સ (TPA) એ પણ સર્વસંમતિથી રાષ્ટ્રપતિની ચૂંટણીમાં અલ્હાપારુમાને સમર્થન આપવાનો નિર્ણય લીધો છે. શ્રીલંકા મુસ્લિમ કોંગ્રેસ (SLMC) અને ઓલ સિલોન મક્કલ કોંગ્રેસ (ACMC) એ પણ અલ્હાપારુમાને મત આપવાનો નિર્ણય કર્યો છે.