- ઈટલી જેવું હિલ સ્ટેશન ભારતમાં
- લવાસાને ભારતનો પ્રાઈવેટ હિલ સ્ટેશન કહે છે
- મહારાષ્ટ્રમાં આવેલ છે આ સુંદર શહેર
ભારતમાં એવી અનેક જગ્યાઓ આવેલી છે જે ખાસ પ્રખ્યાત નથી. પરંતુ કેટલાક લોકોને જ ખબર હોય છે કે દુનિયાનાં ઘોંઘાટથી દૂર આ સ્વર્ગ જેવી જગ્યાઓ ભારતનાં ક્યાં ખૂણે છૂપાયેલી છે. આજે એવી જ એક જગ્યાની આપણે વાત કરશું કે જેને ભારતનું પ્રાઈવેટ હિલ સ્ટેશન કહેવામાં આવે છે અને જે શહેર ઈટલી જેવું જ દેખાય છે. આ જગ્યાનું નામ છે LAVASA HILL STATION.
લવાસા હિલસ્ટેશન
આ હિલ સ્ટેશન મહારાષ્ટ્રનાં પુણેમાં આવેલું છે. લવાસા શહેર વરસગાવ ઝીલનાં કિનારે સ્થિત છે તેથી ત્યાં અનેક પ્રકારનાં વૉટરસ્પોર્ટસ્ પણ થાય છે. મુંબઈ સહિત દૂર-દૂરથી લોકો અહીં પોતાની રજાઓ માણવામ માટે આવતાં હોય છે. સ્પીડ બોટ રાઈડ, પેડલ બોટિંગ રાઈડ જેવ એક્ટિવિડીઝ પણ થાય છે. આ શહેર ઈટલી જેવું દેખાય છે પરંતુ હાલમાં જ એક પ્રાઈવેટ કંપનીએ તેને રિડેવલોપ કરવાનું નક્કી કરીને આ શહેરને 1814 કરોડ રૂપિયામાં ખરીદી લીધું છે.
ઘાનગઢ કિલ્લો
લવાસામાં સ્થિત ઘાનગઢ કિલ્લો પોતાના ઈતિહાસનાં કારણે ફેમસ થયો છે. તામ્હિની ઘાટની નજીક સ્થિત આ ફોર્ટ અને તેની આસપાસની જગ્યાઓ અત્યંત સુંદર છે. મધ્યકાળમાં બનેલ આ કિલ્લો કોઈ સમયમાં મરાઠા, પેશ્વાઓ અને અંગ્રેજોની વચ્ચે થયેલા અનેક યુદ્ધોની સાક્ષી રહી ચૂક્યો છે. આ કિલ્લાની આસપાસ અનેક જળકુંડ જેવી જગ્યાઓ પણ જોવાલાયક છે.
ટેમઘર ડેમ
લવાસાનું ટેમઘર ડેમ અત્યંત સુંદર છે. મુથા નદી પર સ્થિત ટેમઘર ડેમ ટૂરિસ્ટ પ્લેસ હોવાની સાથે સાથે એક સરસ પિકનિક સ્પોટ પણ છે. અહીંની હરિયાળી અને આકર્ષક કુદરતી દ્રશ્યોને જોઈને તમારું મન આનંદિત અનુભવશે. અહીં તમે સવારનાં 10 વાગ્યાથી સાંજનાં 6 વાગ્યાની વચ્ચે ક્યારેક પણ જઈ શકો છો.
કેવી રીતે પહોંચશો લવાસા?
લવાસા પૂણેની પાસે આવેલ એક શાનદાર ટૂરિસ્ટ પ્લેસ છે જ્યાં પહોંચવા માટેનાં મુખ્ય 3 રસ્તાઓ છે. આ શહેરની નજીકમાં જ મુંબઈ/પુણે એરપોર્ટ છે. રેલ માર્ગે તમે લોનાવલા સ્ટેશન ઊતરી શકો છો. જો તમે બાય રોડ જવા ઈચ્છતા હોવ તો આસપાસનાં સુંદર દ્રશ્યો તમારી યાત્રા આનંદિત બનાવી દેશે.
