લખીમપુર / દલિત બાળાઓ સાથે બર્બરતા આચરનારા આરોપીઓના પરિવારમાં ફફડાટ, બૂલડોઝર ફરશે તેની બિકે ઘર ખાલી કરવા લાગ્યા

• લખીમપુરમાં બે દલિત બાળકી સાથે દુષ્કર્મ બાદ હત્યા કરવાનો મામલો
• આ મામલે 6 આરોપીઓની ધરપકડ કરી છે
• આરોપીઓના પરિવારમાં ફફડાટ, બૂલડોઝર ચાલશે તેવી બિકે ઘર ખાલી કરવા લાગ્યા

ઉત્તર પ્રદેશના લખીમપુરમાં બે દલિત બાળકીઓ સાથે દુષ્કર્મ બાદ હત્યાના મામલામાં પોલીસે 6 આરોપીઓની ધરપકડ કરી ચુકી છે. તમામ આરોપીઓને 14 દિવસની ન્યાયિક કસ્ટડીમાં મોકલી દેવામાં આવ્યા છે. આ તમામની વચ્ચે આરોપી જૂનૈદના પરિવારના ઘર પર યોગી સરકારની બૂલડોઝર કાર્યવાહીનો ડર સતાવી રહ્યો છે. ત્યારે આવા સમયે પરિવાર બધો સામાન ભેગો કરવામાં લાગી ગયો છે. તો વળી આરોપીના પિતા મોહમ્મદ ઈસરાઈલે મીડિયા સાથે વાત કરતા કહ્યું કે, દિકરાને ફોન કરીને ઘરે બોલાવ્યો હતો, તે આવી પણ ગયો હતો. તેમ છતાં પણ પોલીસે તેના પર ગોળી ચલાવી. એન્કાઉંટર કરીને દિકરાને મારવાનું ષડયંત્ર રચવામાં આવ્યું. 

આરોપીના પિતાએ એવું પણ કહ્યું કે, દિકરાનું એન્કાઉંટર કરવાનું પ્લાનિંગ કરવામાં આવ્યું છે તો બૂલડોઝર પણ ચલાવશે. આપને જણાવી દઈએ કે, પોલીસે આ મામલામાં 6 આરોપીઓની ધરપકડ કરી છે. જેમાં સુહૈલ, કરીમુદ્દીન, આરિફ, છોટુ, હફીઝુલ રહેમાન, જુનૈદ સામેલ છે. જુનૈદ એ શખ્સ છે, જેની દોસ્તી છોટુએ બે સગીર બહેનો સાથે કરાવી હતી. 

પરિવારે આરોપીઓ નિર્દોષ ગણાવ્યા

દુષ્કર્મ કર્યા બાદ હત્યાના મામલામાં 6 આરોપીઓના પરિવારના લોકોએ નિર્દોષ ગણાવ્યા હતા. તેમનું કહેવું હતું કે, જો તેઓ દોષિત હોય તો, પાછા ઘરે શું કામ આવે. તેમને ફસાવામાં આવી રહ્યા છે. જુનૈદના પિતાએ જણાવ્યું કે, મારો દિકરો હૈદરાબાદમાં ગ્રિલમાં કામ કરે છે. તેને આ છોકરીઓ સાથે કંઈ લેવાદેવા નથી.