- કોલકત્તા કોર્ટમાં સગીર રેપ કેસનો મામલો
- HCએ છોકરાને નિર્દોષ જાહેર કર્યો
- કહ્યું છોકરીઓએ પોતાની ઈચ્છાને નિયંત્રણમાં રાખવું જોઈએ
કોલકત્તા હાઈકોર્ટે પૉક્સો એક્ટ અંતર્ગત નોંધાયેલ એક રેપ કેસની સુનાવણી કરતાં મહત્વની ટિપ્પણી આપી હતી. કોર્ટે કહ્યું કે છોકરીઓએ ક્ષણિક સુખ માટે પોતાની ઈચ્છાને નિયંત્રિત રાખવું જોઈએ. આ સાથે જ હાઈકોર્ટનાં જસ્ટિસે છોકરાઓને પણ છોકરીનું સમ્માન કરવાની સલાહ આપી છે.
શું છે સમગ્ર મામલો?
કોર્ટે આ ટિપ્પણી એ કેસની સુનાવણી દરમિયાન કરી જેમાં સગીર સગીર છોકરો અને છોકરી વચ્ચે સહમતિથી યૌન સંબંધો બન્યાં હતાં. નીચલી કોર્ટમાં યુવકને દોષી ઠેરવવામાં આવ્યું હતું. જો કે HCએ યુવકને નિર્દોષ જાહેર કર્યો છે. યુવક એ યુવતી સાથે પ્રેમ સંબંધમાં હતો. જસ્ટિસ ચિત્તરંજન દાસ અને પાર્થ સારથી સેનની પીઠે કહ્યું કે ટીનએજ છોકરીઓએ 2 મિનીટનાં સુખ માટે પોતાની યૌન ઈચ્છાઓને નિયંત્રણમાં રાખવું જોઈએ. ટીનએજ છોકરાઓએ છોકરીઓ-મહિલાઓ અને તેમની ગરિમાનું સમ્માન કરવું જોઈએ.
છોકરાઓને ઘરમાં મહિલાઓનું સમ્માન કરવાનું શીખવાડો:કોર્ટ
કોર્ટની તરફથી કહેવામાં આવ્યું કે ટીનએજ છોકરીઓએ પોતાની યૌન ઈચ્છાઓને નિયંત્રણમાં રાખવું જોઈએ જ્યારે છોકરાઓએ છોકરીઓની ગરિમા, આત્મ-સમ્માનની શીખ આપવી જોઈએ. કોર્ટે કહ્યું કે યુવા છોકરીઓ કે મહિલાઓનાં અધિકાર અને ઈચ્છાનું સમ્માન કરવું પુરુષોનું કર્તવ્ય છે. પરિવારે પોતાના બાળકોને મહિલાઓનાં આત્મ-મૂલ્ય, તેની ગરિમા અને ગોપનીયતાનું સમ્માન કરાવવાની શીખ આપવી જોઈએ કારણકે બાળક પહેલીવાર ઘરમાં સૌથી વધુ અને સૌથી પહેલા શીખે છે.
પૉક્સો એક્ટમાં ફેરફાર કરવાની સલાહ
હાઈકોર્ટે બાળકો પ્રતિ યૌન અપરાધોને રોકવા માટે બનાવવામાં આવેલા પૉક્સો એક્ટનાં નિયમોને લઈને ચિંતા વ્યક્ત કરી છે. પૉક્સો એક્ટમાં 16 વર્ષથી વધારેની ઉંમરનાં છોકરા-છોકરીઓની વચ્ચે સહમતિથી સંબંધ બનાવવાને પણ અપરાધની શ્રેણીમાં રાખવામાં આવે છે. બેંચે 16 વર્ષથી વધારેની ઉંમરમાં સહમતિથી બનાવવામાં આવેલા રિલેશનને પૉક્સો એક્ટ અંતર્ગત અપરાધની શ્રેણીથી હટાવવાની સલાહ આપી છે.
