- વિરાટ કોહલીએ ગયા વર્ષે એશિયા કપ પહેલા બ્રેક લીધો હતો
- એ સમયે કોહલી નિવૃત્તિનો વિચાર કરી રહ્યો હતો
- હું ચાહકોની અપેક્ષાઓ પર ખરા ઉતરવાનો પ્રયાસ કરી રહ્યો છું
IPL 2023માં વિરાટ કોહલી શાનદાર ફોર્મમાં ચાલી રહ્યો છે અને અત્યાર સુધી તેને 500થી વધુ રન બનાવ્યા છે. જણાવી દઈએ કે T20 લીગની 16મી સિઝનમાં તેણે સનરાઈઝર્સ હૈદરાબાદ સામે તેની છેલ્લી મેચમાં ધમાકેદાર સદી ફટકારી હતી અને તેને કારણે જ રોયલ ચેલેન્જર્સ બેંગ્લોતેની પ્લેઓફની આશા યથાવત્ છે. નોંધનીય છે કે ટીમના 13 મેચમાં 14 પોઈન્ટ છે. ફાઇનલ મેચમાં તેનો મુકાબલો 21 મે, રવિવારે ગુજરાત ટાઇટન્સ સામે થવાનો છે.
એ સમયે કોહલી સંન્યાસ લેવાનો વિચાર કરી રહ્યો હતો
એ વાત આપણે બધા જાણીએ છીએ કે વિરાટ કોહલીએ ગયા વર્ષે એશિયા કપ પહેલા બ્રેક લીધો હતો અને હવે એક વર્ષ કરતાં વધુ સમય બાદ તેણે આ અંગે મોટો ખુલાસો કરતાં કહ્યું કે જ્યારે 'હું બ્રેક બાદ પરત ફરી રહ્યો હતો ત્યારે મને પણ લાગતું હતું કે આ મારો કોમ્પિટિટિવ ક્રિકેટનો છેલ્લો મહિનો હોઈ શકે છે.' આ વાત પરથી એ સાબિત થાય છે કે એ સમયે કોહલી નિવૃત્તિનો વિચાર કરી રહ્યો હતો. જે બાદ અફઘાનિસ્તાન સામે ઓપનિંગને લઈને તેણે ખુલાસો કર્યો કે કોચ રાહુલ દ્રવિડે મને મેચના એક દિવસ પહેલા પૂછ્યું હતું કે શું આવતીકાલે ઓપનિંગ કરવા માંગો છો. મેં કહ્યું 100 ટકા.
હું ચાહકોની અપેક્ષાઓ પર ખરા ઉતરવાનો પ્રયાસ કરી રહ્યો છું
વિરાટ કોહલીએ આ વિશે વાત કરતાં કહ્યું કે 'આ તક મારા માટે સારી હતી. મેં ઓપનિંગ કર્યું અને બોલ મારવાનું શરૂ કર્યું. અહીંથી મારા માટે બધું બરાબર ચાલ્યું અને મને ફરીથી તે ઉત્સાહ મળ્યો. તે માત્ર એટલા માટે થયું કારણ કે હું મારા વિશે ક્યારેય અસુરક્ષિત નહોતો. હું પોતે ચાહકોની અપેક્ષાઓ પર ખરા ઉતરવાનો પ્રયાસ કરી રહ્યો છું અને આ માટે મારી મહેનત સતત ચાલુ હતી. અંતે, મને આમાં સફળતા પણ મળી. '
ટીમ માટે શું મારા 70 રન પૂરતા ન હતા?
આગળ વિરાટ કોહલીએ કહ્યું કે, 'ખરાબ તબક્કામાંથી બહાર આવવા માટે મેં બ્રેક લીધો હતો. કોરોનાનો સમય કોઈપણ માટે ખૂબ જ મુશ્કેલ હતો. મેં પણ આ કારણોસર બ્રેક લીધો અને મને જે જોઈતું હતું તે પાછું મેળવ્યું. કોરોનાને કારણે અમે 10 મહિના સુધી કોઈ ક્રિકેટ રમી શક્યા નહીં. 2020માં મેં માત્ર 6 મેચ રમી હતી. આ પછી પણ મારી સદીની જ વાત કરવામાં આવી રહી હતી. તે સમયે દરેક મેચ પછી મને મારા ખરાબ પ્રદર્શન વિશે પૂછવામાં આવતું હતું. શું મારા 70 રન પૂરતા ન હતા? એ બાદ હું સમજી ગયો કે લોકો મારી પાસેથી શું અપેક્ષા રાખે છે અને બસ એ જ કારણોસર આ પ્રશ્નો વારંવાર પૂછવામાં આવતા હતા. પણ મેં આ વિશે હું વધુ પરેશાન ન થયો અને અને વિચારી રહ્યો હતો કે અત્યારે હું ટીમ માટે યોગદાન આપી રહ્યો છું.
જણાવી દઈએ કે IPL 2023ની વાત કરીએ તો વિરાટ કોહલીએ અત્યાર સુધી 13 મેચમાં 45ની એવરેજથી 538 રન બનાવ્યા છે. સ્ટ્રાઈક રેટ 136 છે. તેણે એક સદી અને 6 અડધી સદી ફટકારી છે. આ સાથે જ T20માં તેને 7 સદી ફટકારી છે. તે ભારત તરફથી T20માં સૌથી વધુ સદી ફટકારનાર ખેલાડી છે. કેએલ રાહુલ અને રોહિત શર્માએ 6-6 સદી ફટકારી છે.
