રોમાંચક મેચ / RCB હારની સાથે 'કેપ્ટન' કોહલીની સફર પૂર્ણ, 4 વિકેટથી જીત મેળવીને KKR પહોંચ્યું 2જા ક્વૉલિફાયરમાં

• IPL 2021માં એલિમિનેટર મેચમાં KKPએ વિરાટની RCBને હરાવી
• KKRનો 2જા ક્વૉલિફાયરમાં પ્રવેશ, બુધવારે દિલ્હી કેપિટલ્સ સાથે મુકાબલો
• વિરાટ કોહલી અત્યાર સુધીમાં ક્યારેય RCBને ટ્રોફી નથી જીતાડી શક્યા
• હવે વિરાટ કોહલી RCBની કેપ્ટનશીપ કરતા નજરે નહીં પડે

હાલ ચાલી રહેલી ઇન્ડિયન પ્રીમિયર લીગ IPL 2021 ના પ્લે ઓફ રાઉન્ડમાં, KKR એ આજે ​શારજાહ સ્ટેડિયમમાં રમાયેલી એલિમિનેટર મેચમાં વિરાટની RCB ને 4 વિકેટે હરાવીને બીજા ક્વોલિફાયરમાં પ્રવેશ કર્યો છે, જ્યાં તેઓ બુધવારે દિલ્હી કેપિટલ્સ સામે ટકરાશે. .આ સાથે કેપ્ટન વિરાટ કોહલીનું RCB માટે છેલ્લા દસ વર્ષમાં અને તેની કેપ્ટનશીપ હેઠળ છેલ્લી વખત આઈપીએલનું ટાઇટલ મેળવવાનું સપનું તૂટી ગયું.

જ્યારે આરસીબીએ પ્રથમ બેટિંગ કરી કેકેઆરની સામે માત્ર 139 નો લક્ષ્યાંક રાખ્યો હતો, ત્યારે મોટા પ્રમાણમાં એવું લાગ્યું હતું કે બીજા ક્વોલિફાયર સુધી પહોંચવું વિરાટ એન્ડ કંપની માટે ખૂબ જ મુશ્કેલ હશે. અને જ્યારે શુભમન ગિલે વેંકટેશ અય્યર સાથે મળીને ઝડપી 41 રન બનાવ્યા ત્યારે બાકીના બેટ્સમેનોનું કામ સરળ બની ગયું.જોકે રાહુલ ત્રિપાઠી (6) સસ્તામાં આઉટ થયો હતો, પરંતુ નીતીશ રાણા (23) અને પછી સુનીલ નારાયણ (26) ની ઝડપી બેટિંગ જેમણે બોલિંગને તોડી નાખી હતી તે કેકેઆરની મંઝિલને સુનિશ્ચિત કરતી હતી. કોલકત્તાએ છેલ્લી ઓવરમાં ટાર્ગેટ હાંસલ કરી લીધો છે.

That Winning Feeling! 👏 👏

The @Eoin16-led @KKRiders beat #RCB in #VIVOIPL #Eliminator & with it, seal a place in the #Qualifier2! 👍 👍 #RCBvKKR

Scorecard 👉 https://t.co/PoJeTfVJ6Z pic.twitter.com/NUtmmstRFZ

— IndianPremierLeague (@IPL) October 11, 2021

દુબઈમાં રમાઈ રહેલી IPL હવે તેના અંતિમ તબક્કામાં આવી પહોચી છે. IPL-2021ના ફેઝ-2માં રવિવારે પહેલી ક્વોલિફાયર મેચમાં ત્રણ વારની ચેમ્પિયન ટીમ ચેન્નઈ સુપર કિંગ્સની મેચ ગત સિઝનની ફાઇનલિસ્ટ દિલ્હી કેપિટલ્સ વિરૂદ્ધ રમાઈ હતી. જેમાં ચેન્નઈ સુપર કિંગ્સ વિજેતા બન્યું હતું.CSKએ આજીત સાથે જ ફાઈનલમાં જગ્યા પાક્કી કરી લીધી છે. CSKના સુકાની મહેન્દ્ર સિંહ ધોનીએ ટોસ જીતી પહેલા બોલિંગ પસંદ કરી હતી. પહેલી  બેટિંગ કરતા દિલ્હી કેપિટલ્સે 20 ઓવરમાં 5 વિકેટના નુકસાને 172 રન કર્યા હતા. DC તરફથી  રિષભ પંત તથા પૃથ્વી શોએ અર્ધસદી નોંધાવી હતી. જેના જવાબમાં ચેન્નઈએ 2 બોલ પહેલા સ્કોર ચેઝ કરી 4 વિકેટથી મેચ જીતી લીધી હતી. સુકાની મહેન્દ્રસિંહ ધોની એ છેલ્લી ઓવરમાં ચોગ્ગાની હેટ્રિક મારી ચેન્નઈને 9મી વાર ફાઇનલમાં પહોંચાડી દીધી હતી. ઘણા લાંબા સમયે ધોનીએ પોતાનું 'ફીનીશર્સ'નું ફોર્મ ફાઈનલ મેચ પહેલા પાછું મેળવી લીધું છે તેમ કહી શકાય. 

દિલ્હી પાસે તક, KKR માટે હવે ખરાખરીનો જંગ
જોકે દિલ્હી પાસે ફાઇનલમાં પહોંચવાની વધુ એક તક રહેલી છે.દિલ્હીની મેચ હવે ક્વોલિફાયર-2માં એલિમિનેટર મેચમાં વિજેતા KKR સામે 13મી ઓક્ટોબરે રમાશે.જ્યારે તે મેચની વિજેતા ટીમ ફાઈનલમાં ચેન્નઈ સુપર કિંગ્સ સાથે અથડાશે.