Good News / 35 વર્ષની ઉંમરે આ અભિનેત્રી બીજીવાર માતા બનશે, સુંદર તસવીર શેર કરીને પ્રેગ્નન્સીની માહિતી આપી

કિયારા અડવાણી અને સિદ્ધાર્થ મલ્હોત્રાના ઘરમાં ફરી એકવાર બાળકના કિલકિલાટનો અવાજ ગુંજવા જઈ રહ્યો છે. આ દંપતીએ બુધવારે સવારે તેમના ઇન્સ્ટાગ્રામ હેન્ડલ પર એક પોસ્ટ દ્વારા આ સમાચાર સૌની સાથે શેર કર્યા. પોસ્ટ સામે આવતાની સાથે જ ચાહકો અને બોલિવૂડ સેલિબ્રિટીઝ દંપતી પર અભિનંદનની વર્ષા કરી રહ્યા છે.

કપલે શેર કરી પોસ્ટ

કિયારા અડવાણીએ તેના પતિ સિદ્ધાર્થ મલ્હોત્રા સાથે ઇન્સ્ટાગ્રામ પર એક જ્વોઇન્ટ પોસ્ટ શેર કરી છે. આ પોસ્ટમાં એક તસવીર છે જેમાં દંપતીના હાથ પર બાળકોના મોજાંની એક જોડી જોવા મળે છે અને તેમની પુત્રી સારાયા પણ તેને પકડી રહી છે.

View this post on Instagram

A post shared by KIARA (@kiaraaliaadvani)

આ પોસ્ટ શેર કરતી વખતે કેપ્શનમાં લખ્યું હતું, 'ફરી એકવાર, અમને સૌથી શ્રેષ્ઠ ભેટ મળી છે. અમારાં હૃદય પ્રેમ અને આભારથી ભરાઈ ગયાં છે.'

સ્ટાર્સ આપી રહ્યા છે શુભેચ્છા

રકુલ પ્રીત સિંહે કિયારા અને સિદ્ધાર્થની પોસ્ટ પર કમેન્ટ કરી, "વાહ, આ ખૂબ સારા સમાચાર છે." તેમના ઉપરાંત, કરણ જોહર, પરિણીતી ચોપરા, અથિયા શેટ્ટી, ભૂમિ પેડણેકર, કરીના કપૂર અને મસાબા ગુપ્તા સહિતની ઘણી હસ્તીઓએ તેમના પર પ્રેમ અને અભિનંદનની વર્ષા કરી.

2025 માં આપ્યો હતો દીકરી સરાયાને જન્મ

ઉલ્લેખનીય છે કે કિયારા અને સિદ્ધાર્થે તેમના લગ્નના લગભગ બે વર્ષ બાદ, જુલાઈ 2025માં તેમની પુત્રી 'સરાયા મલ્હોત્રા'નું સ્વાગત કર્યું હતું. હવે, સરાયાના જન્મના દોઢ વર્ષ બાદ, આ દંપતી ફરી એકવાર માતા-પિતા બનવા જઈ રહ્યું છે.

સલમાનએ સિદ્ધાર્થને કહી આ વાત

થોડા સમય પહેલા, સિદ્ધાર્થ મલ્હોત્રાએ તેની ફિલ્મ 'ધ વન'ના પ્રચાર માટે 'બિગ બોસ 20'ના 'વીકેન્ડ કા વાર' એપિસોડમાં હાજરી આપી હતી. આ મુલાકાત દરમિયાન, અભિનેતાએ સલમાન ખાન સાથે પિતા બનવાનો પોતાનો અનુભવ શેર કર્યો હતો. સિદ્ધાર્થે કહ્યું હતું કે પિતા બનવું એ તેના માટે શ્રેષ્ઠ ભૂમિકા છે.

આ પણ વાંચોઃ વિદ્યુત જામવાલે લગભગ 15 મિનિટ સુધી શ્વાસ રોકીને ધ્યાન કર્યું, પગ ધ્રૂજતા અને આંખોમાં પાણી આવતા ફેન્સ ચોંક્યા, જુઓ Video

તેમની પુત્રી સરાયા હવે લગભગ 15 મહિનાની છે અને નવી વસ્તુઓ શીખી રહી છે. ત્યારે જ સલમાન ખાને મજાકમાં સિદ્ધાર્થને કહ્યું કે તેમને આશા છે કે તેઓ જલ્દી જ બીજા બાળકને જન્મ આપશે. અભિનેતાની આ વાત સાંભળીને સિદ્ધાર્થ હસી પડ્યા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ