વડોદરા / પાદરામાં પથ્થર મારનાર લુખ્ખાતત્વોનો વીડિયો વાયરલ, જાહેર માર્ગ પર ઉતરી જુઓ કેવું મચાવ્યું રમખાણ

 

વડોદરા: પાદરામાં પથ્થર મારનાર લુખ્ખાતત્વોનો વીડિયો વાયરલ, જાહેર માર્ગ પર ઉતરી જુઓ કેવું મચાવ્યું રમખાણ #vadodara #vadoaranews #gujarat #gujaratinews #vtvgujarati pic.twitter.com/0cro9xtT3i

— VTV Gujarati News and Beyond (@VtvGujarati) September 30, 2023

• વડોદરાના પાદરામાં પોલીસ સ્ટેશન નજીક પથ્થરમારો
• જાહેર માર્ગ પર ઉતરીને લુખ્ખા તત્વોએ કર્યો પથ્થરમારો
• પથ્થરમારો કરતા શખ્સોનો વીડિયો થયો વાયરલ

Vadodara news : વડોદરામાં ગણપતિ વિસર્જન અને ઈદના તહેવારની ઉજવણી કરવામાં આવી હતી, ત્યારે આ તહેવાર પર પાદરામાં શાંતિ ડહોળવાનો પ્રયાસ કરાયો હતો. પાદરામાં કોમી છમકલાથી બે કોમના લોકો સામ સામે આવી ગયા હતા. મોડી રાત્રે બે કોમ વચ્ચે ધીંગાણું પણ થયું હતું, પાદરામાં પોલીસ સ્ટેશન નજીક પથ્થરમારાનો બનાવ બન્યો હતો. જે સમગ્ર ઘટનાનો વીડિયો સામે આવ્યો છે. 

લુખ્ખા તત્વોએ પથ્થરમારો કર્યો
પાદરામાં પોલીસ સ્ટેશન નજીક જાહેર માર્ગ પર ઉતરીને લુખ્ખા તત્વોએ પથ્થરમારો કર્યો હતો. જે પથ્થરમારો કરતા શખ્સોનો વીડિયો વાયરલ થયો છે. જે વીડિયોમાં જોઈ શકાય છે કે, કેટલાક અસમાજિક તત્વો શાંતિ ડોળવાનો પ્રયાસ કરી રહ્યાં છે, તેમજ છૂટ્ટા હાથે પથ્થરમારો પણ કરી રહ્યાં છે, જેમના હાથમાં લાકડી જેવું પણ કંઈક નજરે ચડી રહ્યું છે.  અત્રે જણાવીએ કે, શાંતિ ડહોળવાના પ્રયાસ મામલે  પોલીસે મોડી રાતે કોમ્બિંગ હાથ ધરી 10થી વધુ લોકોની અટકાયત કરી હતી. 

ધાર્મિક લાગણી દુભાય તેવા શબ્દો ઉચાર્યા
પાદરામાં આવેલા અંબાજી તળાવ ખાતે કેટલાક યુવકો મંદિર નજીક પ્રસાદનું વિતરણ કરી રહ્યા હતા. ત્યારે નીકળેલા જુલુસમાં સામેલ કેટલાક યુવકો દ્વારા વાંધાજનક ઈશારા અને ધાર્મિક લાગણી દુભાય તેવા શબ્દોનો ઉચ્ચારણ કરતા મામલો ગરમાયો હતો. આ પછી બંને કોમના ટોળા સામસામે આવી જતા પરિસ્થિતિ તંગ બની હતી. આ સમયે હિન્દુ એકતા સંગઠનના યુવકની સોનાની ચેન પણ લૂંટી લેવાઈ હતી. 

10થી વધુ લોકોની અટકાયત 
જે બાદ પોલીસ એક્શન મોડમાં આવી ગઈ હતી, પાદરાના વિવિધ વિસ્તારોમાં પોલીસે મોડી રાત્રે કોમ્બિંગ હાથ ધર્યું હતું. આ દરમિયાન પોલીસે 10થી વધુ શખ્સોને રાઉન્ડઅપ કર્યા હતા.