વાયરલ વીડિયો / મોઢામાં આવી ગયું પાણી.! કપિરાજને લાગ્યો પાણીપુરીનો ચસકો, અનેરું દૃશ્ય જોવા લોકો ટોળે વળ્યા

• કપિરાજને પણ લાગ્યો પાણીપુરીનો ચસકો 
• કપિરાજના મોઢામાં આવી ગયું પાણી
• અનેરું દૃશ્ય જોવા લોકો ટોળે વળ્યા

સોશિયલ મીડિયાની દુનિયા અજીબ છે. અને આ દુનિયામાંથી અજીબ વીડિયો પણ સામે આવતા રહે છે. અત્યાર સુધીમાં તમે ગાય અને વાછરડીને પાણીપુરી ખાતાં જોઈ હશે. હાથી પાણીપુરી ખાઈ રહ્યો હોય તેવો વીડિયો પણ જોયો હશે. પરંતુ હવે તો કપિરાજને પાણીપુરીનો ચસકો લાગ્યો છે, તમને માન્યમાં નહીં આવે પરંતુ આ એક વીડિયો સામે આવ્યો છે

કપિરાજે માણ્યો પાણીપૂરીનો સ્વાદ 
જે વીડિયામાં જોઈ શકાય છે કે, નવા ગ્રાહકનું આગમન થતાં પાણીપૂરી વેચનારે પણ કપિરાજને પકોડીની પ્લેટ બનાવી તેની પાસે મૂકી દીધી હતી, પછી શું કપિરાજ તો પાણીપૂરીનો સ્વાદ માણવા લાગ્યા હતા. કપિરાજને આ પકોડીનો એવો ચસકો લાગ્યો કે એક-એક કરી પાણીપૂરીની આખી પ્લેટ પૂરી કરી ગયો. 

વીડિયો સોશિયલ મીડિયામાં વાયરલ
વાયરલ થઈ રહેલો આ વીડિયો મોરબીના ટંકારાનો છે. જ્યાં દયાનંદ ચોક પાસે પાણીપૂરીની લારી ઊભી જોઈ અચાનક જ કુદકા મારતો મારતો કપિરાજ ચડી આવ્યો હતો અને લારી પર આવીને બેસી ગયો હતો. જે બાદ પાણીપુરી વેચનારે તેને પાણીપુરી ખવડાવી હતી અને આ દ્રશ્યોને લોકોએ પોતાના મોબાઈલમાં કેદ કરી લીધાં હતાં. જે વીડિયો હવે ખુબ વાયરલ થઈ રહ્યો છે.