ગુનો / જુનાગઢમાં મમતા ભૂલી મા, 6 વર્ષની દીકરીને વાયર-વેલણ વડે ફટકારી, ગળા -પીઠ પર ઊંડી ઈજા

જૂનાગઢમાં નિર્દયી માતાની હેવાનિયત આવી સામે છે. માતાએ તેની 6 વર્ષની પોતાની માસૂમ દીકરીને વાયર અને વેલણથી ફટકારી હતી. સ્થાનિકોએ નિર્દયી માતા સામે પોલીસ ફરિયાદ નોંધાવી હતી જે પછી પોલીસે બાળકીની માતા સામે ફરિયાદ નોંધી તપાસ હાથ ધરી હતી.

બાળકી હેરાન કરતી હોવાથી સખત માર માર્યો

માસૂમ બાળકી હેરાન કરતી હોવાના ગુસ્સામાં માતાએ તેને વાયર અને વેલણથી માર માર્યો હતો. ગુસ્સામાં માતાએ તેને વાયર અને વેલણથી માર માર્યો હતો. બાળકીના ગળા અને બરડાના ભાગે મારના ઊંડા નિશાનો તથા સોળ પડી ગયા હતા.

વધુ વાંચો : અમદાવાદના સોલામાં ભુવાએ વિધિને બહાને 15 વર્ષની સગીરા સાથે દુષ્કર્મ આચર્યું, માતાપિતાને રૂમ બહાર મોકલ્યાં

પડોશીઓ પોલીસને જાણ કરી

સ્થિતિ જોઈને સ્થાનિક પાડોશીઓએ ત્વરિત ગંભીરતા દાખવીને પોલીસને જાણ કરી હતી. ત્યાર બાદ 108 એમ્બ્યુલન્સ અને પોલીસની ટીમે બાળકીનો કબજો મેળવી તેને સુરક્ષિત રીતે શિશુમંગલ સંસ્થામાં મોકલી આપી છે. પોલીસ અને મહિલા બાળ વિકાસ શાખા દ્વારા માતા-પિતાનાં નિવેદન નોંધવામાં આવ્યા છે તથા ગુનો નોંધીને વધુ તપાસ ચાલુ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ