નેશનલ / પૂરપાટ પિકઅપ ડમ્પર સાથે અથડાતા ઘટનાસ્થળે જ 8 લોકોના કમકમાટીભર્યા મો*ત, 26 ઘાયલ

ભિંડ-ગ્વાલિયર રોડ પર છિમકા ગામ નજીક એક ભયાનક માર્ગ અકસ્માત સર્જાયો હતો. આ અકસ્માતમાં આઠ લોકોના મોત થયા છે, જ્યારે અન્ય 26 લોકો ઘાયલ થયા હોવાના અહેવાલ છે. અકસ્માત બાદ ઘટનાસ્થળે અફરાતફરી મચી ગઈ હતી અને મદદ માટે ચીસો સંભળાતી હતી. ગંભીર રીતે ઘાયલ થયેલા લોકોને પ્રાથમિક સારવાર આપ્યા બાદ ગ્વાલિયર રેફર કરવામાં આવ્યા હતા.

જાણવા મળ્યું છે કે, પૂરપાટ ઝડપે આવતી એક પિકઅપ ટ્રક ડમ્પર સાથે અથડાઈ હતી. આ દુઃખદ અકસ્માત બાદ ઘટનાસ્થળે અફરાતફરી મચી ગઈ હતી. સ્થાનિક રહેવાસીઓ અને પોલીસે તાત્કાલિક રાહત અને બચાવ કામગીરી શરૂ કરી હતી. ઘાયલોને 108 એમ્બ્યુલન્સ અને પોલીસ વાહનો દ્વારા ગોહદ સ્થિત કોમ્યુનિટી હેલ્થ સેન્ટરમાં ખસેડવામાં આવ્યા હતા.

આઠ લોકોનું મોત નિપજ્યું 26 લોકો ઘાયલ

મળતા અહેવાલો અનુસાર, આ અકસ્માતમાં 8 લોકોનાં મોત થયાં છે અને અન્ય 26 લોકો ઘાયલ થયા છે. ઘાયલોમાંથી ઘણાની હાલત ગંભીર છે. ગોહદ હોસ્પિટલમાં પ્રાથમિક સારવાર બાદ, ગંભીર રીતે ઘાયલ થયેલા લોકોને વધુ સારવાર માટે ગ્વાલિયર રેફર કરવામાં આવ્યા હતા.

#WATCH | Gwalior, Madhya Pradesh: Ramnaresh Yadav, Station In-charge, Gohad Chauraha, Bhind District, says, "An accident occurred around midnight on National Highway 719. There have been casualties, and a significant number of people—approximately 25—are injured. They had come to… pic.twitter.com/DaSVBXzorj

— ANI MP/CG/Rajasthan (@ANI_MP_CG_RJ) August 18, 2026

ઘટનાની જાણ થતાં જ એડિશનલ સુપરિન્ટેન્ડેન્ટ ઓફ પોલીસ પ્રદીપ પટેલ અને SDOP મહેન્દ્ર ગૌતમ, તેમજ ચૌરાહા, ગોહદ અને એન્ડોરી પોલીસ સ્ટેશનના સ્ટેશન હાઉસ ઓફિસર્સ (SHOs) અને તેમની ટીમો ઘટનાસ્થળે પહોંચી ગયા હતા. પોલીસે ઘાયલોને હોસ્પિટલ પહોંચાડવાની વ્યવસ્થા કરી છે અને આ ઘટના અંગે તપાસ શરૂ કરી છે.

આ પણ વાંચોઃ JSSC-CGL પરીક્ષા રદ, 2014થી TDPLની તમામ ભરતીની થશે તપાસ, હેમંત સોરેને CID તપાસના આપ્યા આદેશ

પોલીસ હાલમાં અકસ્માતના કારણને જાણવા માટે કામ કરી રહી છે. જે સંજોગોમાં આ ઘટના બની તેની તપાસ કરવામાં આવી રહી છે. આ ઉપરાંત, મૃતકની ઓળખ કરવા અને અકસ્માતને લગતી અન્ય વિગતો એકત્રિત કરવાના પ્રયત્ન પણ ચાલુ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ