NULL / Jioએ લોન્ચ કરી ગેમ રમવા પર મળશે ઘર કાર અને કરોડો રૂપિયા

ઇન્ડિયન પ્રીમિયર ગેમ (IPL)ને ધ્યાનમાં રાખીને રિલાયન્સ જિયોએ બુધવારે નવા લાઇવ મોબાઇલ ગેમ જિયો ક્રિકેટ પ્લે અલોન્ગની ઘોષણા કરી છે. આ ગેમમાં યૂઝર્સ લાઇવ મોબાઇલ ગેમ રમી શકે છે અને કરોડોના ઇનામ જીતી શકે છે. આ સિવાય કંપનીએ નવા કૉમેડી શોની ઘોષણા કરી છે. આ સિવાય કંપનીએ નવો પ્લાન પણ જારી કર્યો છે જેમાં કંપની 251 રૂપિયામાં 51 દિવસ સુધી જિયો ટીવી પર મેચ લાઇવ જોઇ શકાશે.

આ નવા પ્લાનમાં 102GB ડેટા આપવામાં આવ્યો છે. કંપની દ્વારા આપવામાં આવેલા નિવદેન જારી કર્યુ કે આ સિવાય મોબાઇલ ગેમ જિયો ક્રિકેટ પ્લે અલોન્ગને દેશના તમામ સ્માર્ટફોન પર રમી શકાશે. આ હેઠળ 11 ભાષાઓમાં 7 અઠવાડિયામાં 60 મેચ થશે. જેમાં જીતનારા યુઝર્સને પ્રાઈઝ આપવામાં આવશે.

 

કંપનીએ જણાવ્યું કે ગેમમાં જીતનારા સ્પર્ધકોને મુંબઈમાં મકાન તથા 25 કાર મળશે. આ સિવાય કરોડો રોકડા રૂપિયા જીતવાની તક પણ રાખવામાં આવી છે જે આ ઓફર સાથે જોડાયેલી છે. કંપનીનો ક્રિકેટ કોમેડી શો 'જિયો ધન ધના ધન લાઈવ' My Jio એપ પર જ જોવા મળશે.

આ શો જિયો અને અન્ય ગ્રાહકો માટે ફ્રીમાં ઉપલબ્ધ રહેશે. જેની શરૂઆત 7 એપ્રિલમાં થશે. આ શોમાં કપિલના જૂના સાથી સુનીલ ગ્રોવર અને સમીર કોચર જોવા મળશે. આ શોમાં જાણીતી હસ્તીઓ પણ ભાગ લેવાની છે. નોંધનીય છે કે જિયોને RBIએ પેમેન્ટ બેંકની શરૂઆત કરવાની મંજૂરી આપી છે. જેની શરૂઆત 3 એપ્રિલથી થઈ ગઈ છે.