નિરાશા / જવાન'નું નવું ગીત રિલીઝ: શાહરુખ ખાનના ગીતમાં ફેન્સને ન આવી મજા, મેકર્સ પર વધ્યું પ્રેશર

• JAWANનું નવું ગીત રીલિઝ થયું
• ફિલ્મને લઇને લોકોની ઉત્સુક્તામાં ઉત્તરોતર ઘટાડો 
• ગીત ફિલ્મના ટ્રેઇલર સાથે મેચ થઇ રહ્યું નથી

શાહરૂખ ખાનની ફિલ્મ JAWANનું નવું ગીત રીલિઝ થઇ ગયું છે. જેનું નામ નોટ રમૈયા વસ્તાવૈયા છે. આ ગીત રમૈયા વસ્તાવૈયાનું રીમેક છે. જેમ જેમ જવાન ફિલ્મના ગીતો રીલીઝ થઇ રહ્યાં છે તેમ તેમ ફિલ્મને લઇને ઉત્સુક્તામાં ઉત્તરોતર ઘટાડો થઇ રહ્યો છે. અત્યાર સુધીમાં આ ફિલ્મના જેટલા ગીતો રીલીઝ થયા તેમાંથી સૌથી ખરાબ ગીત છે. આ ગીત અને ફિલ્મના ટ્રેઇલર સાથે મેચ થઇ રહ્યું નથી. 

ફિલ્મ મેકર્સ ખુબ જ પ્રેશરમાં

નોટ રમૈયા વસ્તાવૈયાને કુમારે લખ્યું છે, અનિરુદ્ધ રવિચંદરે કંપોઝ કર્યું છે. તો અનિરુદ્ધ, વિશાલ દદલાની અને શિલ્પા રાવે સાથે મળીને સૂર આપ્યા છે. આ ફિલ્મમાંથી આવતી દરેક વસ્તુ જોઇને એવું લાગી રહ્યું છે કે આ ફિલ્મ મેકર્સ ખુબ જ પ્રેશરમાં છે. તેઓ પઠાન જેવી જ હિટ ફિલ્મ આપવાની ઇચ્છા રાખે છે. અનિરુદ્ધ પર એવું દબાણ છે કે તે શાહરુખ ખાન માટે ગીત બનાવી રહ્યાં છે. એટલીને લાગે છ કે તે પ્રથમ હિન્દી ફિલ્મ બનાવી રહ્યાં છે. આ કારણથી જ ફિલ્મમાં બધુ ફ્રી ફ્લોઇંગ હોય તેમ નથી લાગતું. 

ટ્રેકમાં ઇંગ્લિશ લિરિક્સનો ઉપયોગ કર્યો

ગીતના લિરિક્સમાં જે અંગ્રેજી લાઇન છે તે લખવામાં જે મજા આવી હશે તે સાંભળવામાં જોવા મળી રહી નથી. અનિરુદ્ધે થલપતિ વિજય માટે બીસ્ટનું ટાઇટલ ટ્રેકમાં ઇંગ્લિશ લિરિક્સનો ઉપયોગ કર્યો હતો. તેને ફિલ્મના બેકગ્રાઉન્ડ સ્કોરમાં પણ ઉપયોગમાં લેવામાં આવ્યું હતું. પરંતુ રમૈયા વસ્તાવૈયા ગીતને સાંભળવામાં મજા આવી રહી નથી.આ ફિલ્મમાં ચલૈયા એકમાત્ર ગીત છે જે કાનને સાંભળવું ગમી રહ્યું છે, તો થિએટર એક્સપિરિયન્સમાં બનાવવામાં આવેલું બીજુ ગીત જિંદા બંદા છે.