નેશનલ / જમ્મુ-કાશ્મીરમાં મોટી દુર્ઘટના: ગુલમર્ગમાં LoC પાસે બ્લાસ્ટ, 1 વ્યક્તિનું મોત અને 4 ઈજાગ્રસ્ત

જમ્મુ-કાશ્મીરના સરહદી વિસ્તારમાંથી એક માઠા સમાચાર સામે આવ્યા છે. કાશ્મીરના પ્રખ્યાત ગુલમર્ગ પોલીસ સ્ટેશન વિસ્તાર હેઠળ આવતી લાઇન ઓફ કંટ્રોલની નજીક, સુમલી વાલી ઢોક પંથકમાં આશા પોસ્ટ પાસે શનિવારે એક ભયાનક અને રહસ્યમય વિસ્ફોટ થયો છે. સત્તાવાર વહીવટી તંત્ર અને લશ્કરી સૂત્રોના જણાવ્યા અનુસાર, આ ધડાકાની ઝપેટમાં આવવાથી 1 વ્યક્તિનું કરુણ મોત થયું છે અને અન્ય 4 લોકો ગંભીર રીતે ઇજાગ્રસ્ત થયા છે. આ ઘટનાને પગલે સમગ્ર સરહદી વિસ્તારમાં અફરાતફરી મચી ગઈ હતી.

પ્રાથમિક અહેવાલો અનુસાર, આ બ્લાસ્ટમાં જીવ ગુમાવનાર કમનસીબ વ્યક્તિની ઓળખ જબીર અહેમદ બાજાદ તરીકે થઈ છે. તે મોહમ્મદ રફીક બાજાદનો પુત્ર હતો અને બારામુલ્લાના ચંદુસા વિસ્તારમાં આવેલા ગલીબલનો રહેવાસી હતો. વિસ્ફોટ એટલો તીવ્ર હતો કે જબીરનું ઘટનાસ્થળે જ મોત નીપજ્યું હતું. આ અકસ્માતમાં ઘાયલ થયેલા અન્ય ચારેય લોકોને તાત્કાલિક અસરથી બચાવીને નજીકની હોસ્પિટલમાં સારવાર અર્થે ખસેડવામાં આવ્યા છે, જ્યાં તેમની સ્થિતિ પર નજર રાખવામાં આવી રહી છે.

આ પણ વાંચો : ઉબકા આવે છે કહીને ગાડી રોકાવી પછી માર્યો કૂદકો, ગુજરાતી બિઝનેસમેને મુંબઈ સી-લિંક પરથી કૂદીને કર્યો આપ*ઘાત

એક વરિષ્ઠ પોલીસ અધિકારીએ આ દુર્ઘટના અંગે પ્રાથમિક માહિતી આપતાં જણાવ્યું કે, આ બ્લાસ્ટ ત્યારે થયો જ્યારે પીડિત વ્યક્તિએ કથિત રીતે જમીન પર પડેલા એક ખૂબ જ જૂના આર્મી શેલને અજાણતામાં અડી લીધો હતો અથવા તેની સાથે છેડછાડ કરી હતી. જો કે, સુરક્ષા દળો અને પોલીસ અધિકારીઓએ હજુ સુધી વિસ્ફોટ કરનારી સામગ્રીના અસલી સ્વરૂપ અથવા બ્લાસ્ટના ચોક્કસ કારણોની સત્તાવાર પુષ્ટિ કરી નથી. આ વિસ્ફોટ પાછળ કોઈ આતંકી ષડયંત્ર છે કે પછી આ માત્ર એક આકસ્મિક દુર્ઘટના છે, તે જાણવા માટે ફોરેન્સિક ટીમો અને ઉચ્ચ પોલીસ અધિકારીઓએ ઘટનાસ્થળે પહોંચીને ઊંડી તપાસના ચક્રો ગતિમાન કર્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ