બ્રેકિંગ ન્યુઝ
બ્રેકિંગ ન્યુઝ
VTV / ભારત / હવામાન વિભાગનું મોટું એલર્ટ: કાલે દિલ્હી-UP સહિત 16 રાજ્યોમાં ભારે વરસાદ અને વાવાઝોડાની આશંકા
6 ફોટો ગેલેરી
Last Updated: 11:05 PM, 27 June 2026
FOLLOW ON
શેર કરો
1/6
ભારત હવામાન વિજ્ઞાન વિભાગ દ્વારા દેશના હવામાનને લઈને એક મોટું અપડેટ જાહેર કરવામાં આવ્યું છે. 28 જૂનના રોજ દેશના 16 રાજ્યોમાં ભારે વરસાદ, ગાજવીજ સાથે આંધી અને આકાશી વીજળી પડવાની ગંભીર ચેતવણી આપવામાં આવી છે. હવામાન વિભાગના જણાવ્યા અનુસાર, દેશના મોટાભાગના હિસ્સાઓમાં ચોમાસું હવે સંપૂર્ણપણે સક્રિય થઈ ચૂક્યું છે, જેના કારણે ઉત્તર ભારત, પૂર્વીય ભારત અને પહાડી રાજ્યોમાં વાતાવરણ ઝડપથી પલટાશે. રવિવારે દેશના અનેક ભાગોમાં 40 થી 60 કિલોમીટર પ્રતિ કલાકની તોફાની ઝડપે પવન ફૂંકાવાની આશંકા છે.
આ તસવીર શેર કરો
2/6
રાજધાની દિલ્હી અને તેની આસપાસના વિસ્તારોમાં રવિવારે આખો દિવસ વાદળછાયું વાતાવરણ રહેશે અને મોટાભાગના વિસ્તારોમાં હળવાથી મધ્યમ વરસાદની સંભાવના છે. આ વરસાદને કારણે લોકોને અસહ્ય ગરમી અને ઉકળાટમાંથી મોટી રાહત મળશે, જો કે તેજ પવન અને વીજળીના કડાકા-ભડાકાને જોતાં લોકોને સાવચેત રહેવા કહેવાયું છે.
આ તસવીર શેર કરો
3/6
બીજી તરફ, ઉત્તર પ્રદેશ અને બિહારમાં મિશ્ર વાતાવરણ જોવા મળી શકે છે. બિહારના કેટલાક જિલ્લાઓમાં હળવો વરસાદ પડી શકે છે. પરંતુ ઉત્તર પ્રદેશના વારાણસી, ગાઝીપુર, જૌનપુર, આઝમગઢ, મઉ, બલિયા, ગોરખપુર, દેવરિયા, કુશીનગર, મહારાજગંજ, સંતકબીરનગર, બસ્તી અને સિદ્ધાર્થનગરમાં હજુ પણ હીટવેવનું એલર્ટ યથાવત રાખવામાં આવ્યું છે.
આ તસવીર શેર કરો
4/6
પહાડી રાજ્યોની વાત કરીએ તો, ઉત્તરાખંડ અને હિમાચલ પ્રદેશમાં ભારેથી અતિભારે વરસાદની આગાહી કરવામાં આવી છે. પહાડી વિસ્તારોમાં વધુ વરસાદના કારણે નદીઓનું જળસ્તર અચાનક વધી શકે છે અને ભૂસ્ખલન થવાનો મોટો ખતરો છે.
આ તસવીર શેર કરો
5/6
શિમલા, મંડી, કાંગડા, કુલ્લુ, સોલન અને સિરમૌરમાં ગાજવીજ સાથે વરસાદ ચાલુ રહેશે., દેહરાદૂન, નૈનીતાલ, હરિદ્વાર, પૌડી, ટિહરી, ચમોલી અને પિથોરાગઢ સહિતના જિલ્લાઓમાં ઓરેન્જ/યલો એલર્ટ અપાયું છે. જમ્મુ, શ્રીનગર, અનંતનાગ, બારામુલ્લા અને કઠુઆમાં પણ વરસાદી માહોલ જામશે.
આ તસવીર શેર કરો
6/6
આ સિવાય પંજાબ, હરિયાણા, ચંદીગઢ, ઝારખંડ, મધ્ય પ્રદેશના કેટલાક ભાગો અને પૂર્વત્તારના (North-East) રાજ્યોમાં પણ વાવાઝોડા સાથે વરસાદની પૂરેપૂરી સંભાવના છે. હવામાન વિભાગે ખેડૂતો અને ખુલ્લા મેદાનમાં કામ કરતા મજૂરોને હવામાનની પળેપળની માહિતી પર નજર રાખવા અને સુરક્ષિત સ્થાનો પર રહેવાની ખાસ સલાહ આપી છે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
