VIDEO / 'બચાવો બચાવો', મહેસાણા રેલ્વે સ્ટેશન પર મહિલા મુસાફર સાથે બબાલ થતા ટીસીએ બૂમો પાડી

મહેસાણા રેલવે સ્ટેશન પર ટિકિટ ચેકિંગ દરમિયાન એક મહિલા મુસાફર અને ટિકિટ ચેકર વચ્ચે ઉગ્ર બોલાચાલી થઈ હોવાની ઘટના સામે આવી છે. ઘટનાનો વીડિયો સોશિયલ મીડિયા પર વાયરલ થઈ રહ્યો છે, જેમાં ટિકિટ ચેકર "બચાવો... બચાવો..."ની બૂમો પાડતા હોવાનું સાંભળવા મળે છે.

મુસાફર મહિલા દંપતી પાસે ત્રણ અલગ-અલગ પ્રકારની ટિકિટ હતી

માહિતી મુજબ, વડોદરાથી આવેલા એક દંપતી પાસે ત્રણ અલગ-અલગ પ્રકારની ટિકિટ હતી. તેમાં એક જનરલ, એક AC અને એક સ્લીપર કોચની ટિકિટનો સમાવેશ થતો હતો. ટિકિટ ચેકિંગ દરમિયાન ટિકિટમાં રહેલા તફાવત અંગે ટિકિટ ચેકર દ્વારા પૂછપરછ કરવામાં આવી હતી.

View this post on Instagram

A post shared by Sambhaav Nascent LLP (@vtv_gujarati_news)

ટિકિટ ચેકર અને મુસાફર મહિલા વચ્ચે ઉગ્ર બોલાચાલી

આ દરમિયાન ટિકિટ ચેકર લક્ષ્મીસિંઘ અને કાજલ રાય નામની મહિલા મુસાફર વચ્ચે ઉગ્ર તકરાર સર્જાઈ હતી. પ્રત્યક્ષદર્શીઓના જણાવ્યા અનુસાર, બંને પક્ષ વચ્ચે બોલાચાલી વધતા સ્ટેશન પર થોડા સમય માટે અફરાતફરીનો માહોલ સર્જાયો હતો.

ઘટનાનો વીડિયો સોશિયલ મીડિયા પર વાયરલ

ઘટનાનો વીડિયો હાલ સોશિયલ મીડિયા પર ઝડપથી વાયરલ થઈ રહ્યો છે. જોકે, વીડિયોના આધારે સમગ્ર ઘટનાક્રમ અથવા તકરારની શરૂઆત કેવી રીતે થઈ તે અંગે સ્વતંત્ર પુષ્ટિ થઈ શકી નથી.

આ પણ વાંચોઃ ફટાકડા ફેક્ટરી બ્લાસ્ટ બાદ પોલીસ એક્શનમાં, મંજૂરી વિના ચાલતી ફેક્ટરી સામે કેસ

રેલવે તંત્ર તરફથી આ મામલે સત્તાવાર નિવેદન જાહેર થયું છે કે નહીં તેની માહિતી હજુ સુધી પ્રાપ્ત થઈ નથી. ઘટના અંગે વધુ તપાસ બાદ હકીકતો સ્પષ્ટ થવાની શક્યતા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ