કોર્ટનો ઝટકો / સુરત દુષ્કર્મ કેસમાં જેલમાં બંધ આરોપી નારાયણ સાંઈ જામીન અરજી ફગાવાઈ, આસારામને કર્યા હતા આગળ

દુષ્કર્મ કેસમાં સુરત જેલમાં બંધ નારણસાંઈની પિતા આસારામને મળવા માટેની હંગામી જામીન અરજી કોર્ટે ફગાવી દીધી છે.  નાદુરસ્ત તબિયત નું કારણ દર્શાવી તેમજ ઉંમરલાયક પિતાનું પોતે એક માત્ર પુત્ર સંતાન હોવાની વાત આગળ ધરીને  હંગામી જામીન માંગતી અરજી ગુજરાત હાઇકોર્ટમાં કરાઇ હતી... જેને પુરાવાનો અભાવ અને અમુક ત્રુટિને કારણે રદ  કરવામાં આવી.... હાઇકોર્ટ દ્વારા આજે આ અરજી ફગાવી દેવામાં આવી હતી.. જેને પગલે અરજી પરત ખેંચવામાં આવી હતી.. 

આ પણ વાંચોઃ હિટ એન્ડ રનના આરોપી કુશ પટેલને સાંસદ મેડમ પોલીસ સ્ટેશનમાંથી છોડાવી ગયા: કહ્યું- આ તો જિંદગીનો અનુભવ છે

આસારામના પુત્ર નારાયણ સાઈ સામે સુરતની એક મહિલાએ વર્ષ 2013માં જહાંગીરપુરા પોલીસ મથકે દુષ્કર્મની ફરિયાદ નોંધાવી હતી. નારાયણ સાઈ સામે સુરતની સેશન્સ કોર્ટમાં વર્ષ 2014માં કેસ દાખલ થયો હતો, જેનો વર્ષ 2019માં ચુકાદો આવ્યો હતો. એમાં કોર્ટે નારાયણ સાઈને આજીવન કારાવાસની સજા ફટકારી હતી, જેને તેણે હાઇકોર્ટમાં પડકારી અને કેસ પેન્ડિંગ છે. ત્યારે નારાયણ સાઈએ પોતાના પિતા આસારામની તબિયત ખરાબ હોવાથી અને તેમને જોધપુરની એઇમ્સ હોસ્પિટલમાં દાખલ કરેલા હોવાથી 20 દિવસના હંગામી જામીન હાઇકોર્ટ સમક્ષ માગ્યા હતા. 

કોર્ટે કહ્યુ હતું કે આશારામને હવે સારવારમાંથી ડિસ્ચાર્જ કરી જેલમાં મોકલી દેવાયા છે.. કોર્ટના કડક વલણ બાદ નારાયણ સાંઈએ જામીન અરજી પરત ખેંચી હતી. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો