વિશ્વ / VIDEO : મોતની અફવા ફેલાતાં ઈઝરાયલના પીએમ નેતન્યાહૂએ વીડિયો શેર કર્યો, જુઓ શું કરી રહ્યાં છે

ઇઝરાયલના પ્રધાનમંત્રી બેન્જામિન નેતન્યાહૂએ સોશિયલ મીડિયા પર ફેલાતા તેમના મૃત્યુની અફવાઓનો મજાક ઉડાવતો એક વીડિયો બહાર પાડ્યો છે. આ  વીડિયોમાં તેઓ એક કેફેમાં કોફી ઓર્ડર કરતા અને મજાકમાં કહેતા જોવા મળે છે, "હું  મરી ગયો છું." આ એક હિબ્રુ વાક્ય છે જેનો અર્થ થાય છે કોઈ વ્યક્તિ કોઈ વસ્તુ સાથે ખૂબ જ પ્રેમમાં છે. તેમના મોતની અફવાઓ ત્યારે શરૂ થઈ જ્યારે અમુક સોશિયલ મીડિયા પોસ્ટમાં દાવો કરવામાં આવ્યો હતો કે તેમની છેલ્લી પ્રેસ કોન્ફરન્સના એક વીડિયોમાં એક હાથ પર 6 આંગળીઓ દેખાઈ હતી, જેને લોકોએ AI દ્વારા જનરેટેડ અને નેતન્યાહૂના મૃત્યુના પુરાવા તરીકે વર્ણવ્યું હતું.

આ વીડિયોમાં બેન્જામિન નેતન્યાહૂએ બંને હાથ ઉંચા કર્યા અને પોતાની આંગળીઓ બતાવતા કહ્યું, "શું તમે મારી આંગળીઓ ગણવા માંગો છો? અહીંયા જુઓ બહુ સારી છે." જેમાં તેમને સ્પષ્ટતા કરી કે તેઓ જીવિત છે અને મોતની અફવાઓ પાયાવિહોણી છે. આ ઘટના ઇઝરાયલ-ઈરાન યુદ્ધના 16મા દિવસે બની હતી. આ હુમલાઓમાં ઈરાનના સુપ્રીમ લીડર આયાતુલ્લાહ અલી ખામેનેઈનું મોત થયું હતું, ત્યારબાદ ઈરાને ઇઝરાયલ અને ખાડી દેશોમાં યુએસ બેઝ પર હુમલા શરૂ કર્યા હતા.

ઇઝરાયલ અને અમેરિકાએ ઇરાનમાં 15,000 થી વધુ સ્થળો પર હુમલા કર્યા છે. આ યુદ્ધમાં અત્યાર સુધીમાં 2000 થી વધુ લોકો માર્યા ગયા છે, જેમાંથી મોટાભાગના ઇરાની છે. ઇરાનના રિવોલ્યુશનરી ગાર્ડ્સે રવિવારે એક નિવેદન બહાર પાડીને કહ્યું હતું કે, જો નેતન્યાહૂ જીવતા રહેશે તો તેઓ તેમને તેમની બધી શક્તિ યુઝ કરીને તેમને મારી નાખશે.

નેતન્યાહૂએ એક વીડિયોમાં ઇઝરાયલી નાગરિકોને તાજી હવાના શ્વાસ લેવાની પરંતુ સલામત સ્થાનની નજીક રહેવાની અપીલ કરી હતી. તેમને  કહ્યું હતું કે, જનતાની સહનશક્તિ અદ્ભુત છે, જે સરકાર, આઇડીએફ અને મોસાદને શક્તિ આપે છે. તેઓ ઇરાન પર ખૂબ જ મજબૂત હુમલાઓ કરવાનું ચાલુ રાખી રહ્યા છે પરંતુ તેને વિસ્તૃત કરી શક્યા નથી. તેમને હોમ ફ્રન્ટ કમાન્ડની સૂચનાઓનું પાલન કરવાની અને હંમેશા સલામત સ્થાનની નજીક રહેવાની સલાહ આપી. તેમને શક્ય એટલા પ્રતિબંધો હળવા કરવાનું વચન પણ આપ્યું હતું.

વધુ વાંચો : ઈરાન યુદ્ધની કિંમત દાયકાઓ સુધી સામાન્ય લોકોને ચૂકવવી પડશે... રિપોર્ટમાં ચોંકાવનારો દાવો

આ વીડિયો સોશિયલ મીડિયા પર ઝડપથી વાયરલ થઈ રહ્યો છે. નેતન્યાહૂએ રમૂજી રીતે તેમનો જોમ અને જુસ્સો સાબિત કર્યો હતો. તેમને કોફીના વખાણ કરતા કહ્યું કે તે શાનદાર હતી. એકંદરે આ વીડિયો  યુદ્ધ દરમિયાન નેતન્યાહૂની હિંમત અને રમૂજ દર્શાવે છે. કેમ કે,  આ વિસ્તારમાં તણાવ સતત વધી રહ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ