IPL 2024 ના સુપર સન્ડેની પ્રથમ મેચ રાજસ્થાન રોયલ્સ અને લખનૌ સુપર જાયન્ટ્સ વચ્ચે રમાશે. જયપુરના સવાઈ માનસિંહ સ્ટેડિયમમાં બપોરે 3.30 વાગ્યે આ મેચમાં બંને ટીમો સામસામે ટકરાશે. બંને ટીમો પાસે ઘણા મજબૂત ખેલાડીઓ છે એવામાં ચાલો જાણીએ કે આ મેચમાં બંને ટીમોની પ્લેઈંગ ઈલેવન કેવી હોઈ શકે છે.
ઈન્ડિયન પ્રીમિયર લીગની 17મી સીઝનની મેચ નંબર-4માં રાજસ્થાન રોયલ્સનો મુકાબલો લખનૌ સુપર જાયન્ટ્સ સામે થશે. બંને ટીમો પોતાની શરૂઆતની મેચમાં સારી શરૂઆત કરીને જીત મેળવવાનો પ્રયાસ કરશે.એલએસજીનો કેપ્ટન કેએલ રાહુલ ઈજા બાદ વાપસી કરી રહ્યો છે. તે જ સમયે, સંજુ સેમસનની આગેવાની હેઠળની ટીમ મેચ જીતવા માટે તૈયાર છે. જો કે, લખનૌમાં ડી કોક અને પુરન જેવા વિશ્વના ટોચના વર્ગના ખેલાડીઓ પણ છે, જેઓ એકલા હાથે કોઈપણ સમયે મેચનો નિર્ણય બદલી શકે છે. તેથી આ મેચ ખૂબ જ રોમાંચક રહેવાની આશા છે.
જાણીતું છે કે કેએલ રાહુલ લખનૌ સુપર જાયન્ટ્સ ટીમની કમાન સંભાળતો જોવા મળશે. રાજસ્થાન રોયલ્સની કમાન સંજુ સેમસનના હાથમાં છે. દરેકની નજર ભારતીય બેટ્સમેન કેએલ રાહુલના ફોર્મ અને ફિટનેસ પર રહેશે. રાહુલ ઈજાના કારણે ઈંગ્લેન્ડ સામેની છેલ્લી ચાર ટેસ્ટ મેચ રમી નહતી.
લખનૌની મેચમાં દેવદત્ત પડીકલ ડેબ્યુ કરશે તે લગભગ નિશ્ચિત છે. દેવદત્ત ગત સિઝનમાં રાજસ્થાન તરફથી રમ્યો હતો. આવી સ્થિતિમાં તે પોતાની જૂની ટીમ સામે તોફાન સર્જવા માટે આતુરતાથી રાહ જોઈ રહ્યો હશે. કેએલ રાહુલ વિશે એવું માનવામાં આવે છે કે તે ટીમ માટે મિડલ ઓર્ડરમાં બેટિંગ કરી શકે છે, જેના કારણે પડિકલ તેની જગ્યાએ ઇનિંગ્સની શરૂઆત કરતા જોવા મળી શકે છે.
વધુ વાંચો: હાર્દિક vs ગિલ! અમદાવાદમાં આજે ટકરાશે ગુજરાત ટાઇટન્સ અને મુંબઈ ઈન્ડિયન્સ, કોણ કોના પર પડશે ભારે?
બંને ટીમોની સંભવિત પ્લેઈંગ ઈલેવન
રાજસ્થાન રોયલ્સ- જોસ બટલર, યશસ્વી જયસ્વાલ, સંજુ સેમસન (કેપ્ટન, વિકેટકીપર), રેયાન પરાગ, શિમરોન હેટમાયર, રોવમેન પોવેલ, ધ્રુવ જુરેલ, આર અશ્વિન, યુઝવેન્દ્ર ચહલ, અવેશ ખાન, ટ્રેન્ટ બોલ્ટ.
લખનૌ સુપર જાયન્ટ્સ- ક્વિન્ટન ડી કોક (વિકેટકીપર), દેવદત્ત પડિકલ, દીપક હુડા, કેએલ રાહુલ (કેપ્ટન), નિકોલસ પૂરન, આયુષ બદોની, માર્કસ સ્ટોઈનીસ, ક્રુણાલ પંડ્યા, નવીન-ઉલ-હક, યશ ઠાકુર, રવિ બિશ્નોઈ.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
