સ્પોર્ટ્સ / શું લોકસભા ચૂંટણીના કારણે IPLની આગામી સિઝન ભારતમાં નહીં યોજાય? ચેરમેને આપી સૌથી મોટી અપડેટ

• 2024માં IPL અને લોકસભા ઈલેક્શન થઈ શકે છે ક્લેશ
• શક્ય છે કે આ વખતે IPL 24' ભારતમાં ન યોજાય
• 2009માં પણ બની હતી આવી જ ઘટના

2024નું વર્ષ IPLની સાથે-સાથે રાજનીતિ માટે પણ મહત્વનો છે. કારણકે ભારતમાં ક્રિકેટ મહાકુંભની સાથે-સાથે લોકસભાની ચૂંટણી પણ 2024માં જ યોજાવાની છે. IPL 2024 અને લોકસભા ચૂંટણી બંને લગભગ એક સમયગાળાની આસપાસ જ થાય તેવું શક્ય છે કારણકે મોટાભાગે IPL એપ્રિલ-મે મહિનામાં યોજાય છે અને ચૂંટણીઓ પણ આ મહિનાઓમાં જ યોજાતી હોય છે. તેવામાં એવા અનુમાન લગાડવામાં આવી રહ્યાં છે કે ચૂંટણીઓનાં લીધે IPL 2024નું આયોજન ભારતની જગ્યાએ કોઈ અન્ય દેશમાં થઈ શકે છે.

2009માં પણ આ જ સ્થિતિ હતી
IPL 2009માં પણ લોકસભા ચૂંટણીની સાથે આઈપીએલ ક્લેશ થઈ હતી અને એ વખતે ચૂંટણીનાં કારણે IPLનું આયોજન ભારતની જગ્યાએ સાઉથ આફ્રીકામાં કરવામાં આવ્યું હતું. આ જ રીતે 2024માં પણ IPLને ભારત બહાર કોઈ અન્ય દેશમાં યોજવામાં આવી શકે છે.

લોકસભા ઈલેક્શન IPL માટે વિધ્નરૂપ નથી
IPLનાં ચેરમેન અરુણ સિંહ ઠાકુરે કહ્યું કે,' આઈપીએલ 2024નું આયોજન ભારતમાં જ કરવામાં આવશે. લોકસભા ચૂંટણી આઈપીએલ માટે બાધારૂપ નહીં બને.' આઈપીએલ દુનિયાની સૌથી અમીર ટી20 લીગ છે. આ લીગથી BCCI અને તેના સાથે સંકળાયેલા તમામ લોકો મોટી રકમ કમાવે છે.