IPL 2024 / હાર્દિકે જણાવ્યું મુંબઈ ઈન્ડિયન્સની હારનું કારણ, કહ્યું 'CSK પાસે સ્ટમ્પ પાછળ એક એવો ખેલાડી છે જે..'

IPL 2024માં મુંબઈ ઈન્ડિયન્સને વધુ એક હારનો સામનો કરવો પડ્યો છે. ચેન્નાઈ સુપર કિંગ્સની ટીમે ઘરઆંગણે MIને 20 રને હરાવ્યું હતું. આ મેચમાં હાર્દિક પંડ્યાની કેપ્ટનશિપની સાથે તેનું અંગત પ્રદર્શન પણ ઘણું શરમજનક રહ્યું અને રોહિત શર્માની શાનદાર સદી છતાં તેની ટીમને હારનો સામનો કરવો પડ્યો હતો. આ બાદ મુંબઈ ઈન્ડિયન્સના કેપ્ટન હાર્દિક પંડ્યાએ ધોની સહિત ચેન્નાઈ સુપર કિંગ્સના બોલરોની પણ પ્રશંસા કરી હતી.

Hardik Pandya said "CSK bowled really well, there is a man behind the stumps telling what to do". pic.twitter.com/MYaryG7O51

— Johns. (@CricCrazyJohns) April 14, 2024

CSKની જીતમાં ઘણા ખેલાડીઓએ મહત્વની ભૂમિકા ભજવી હતી. આમાં મહેન્દ્ર સિંહ ધોની પણ સામેલ છે. બેટિંગ કરતી વખતે ધોનીએ 4 બોલમાં 20 રન ફટકારીને પોતાની ટીમને મોટા સ્કોર સુધી પહોંચાડી હતી. આ સિવાય મુંબઈની બેટિંગ દરમિયાન તે પોતાના બોલરોને જરૂરી સૂચનો આપવા સિવાય ફિલ્ડિંગ ગોઠવતો રહ્યો. આના પરિણામે ચેન્નાઈની ટીમે વધુ એક વિજય હાંસલ કર્યો હતો. 

Hardik Pandya said, "there's a man behind the stumps (MS Dhoni) who tells their bowlers what's working, that helps". pic.twitter.com/Y0xgkwvfEj

— Mufaddal Vohra (@mufaddal_vohra) April 14, 2024

હાર્દિક પંડ્યાએ ચેન્નાઈ સુપર કિંગ્સ સામેની મેચમાં હાર બાદ કહ્યું હતું કે, 'આ એક લક્ષ્ય હતું જે અમારે ચોક્કસપણે હાંસલ કરવું જોઈતું હતું પરંતુ તેઓએ ખૂબ જ સારી બોલિંગ કરી, જેમાં પથિરાના ટીમ માટે X ફેક્ટર નીકળ્યો હતો. સીએસકે પાસે વિકેટની પાછળ એક વ્યક્તિ છે જે તેમને કહેતો રહે છે કે આ વિકેટ પર શું કરવું જોઈએ જે યોગ્ય હશે અને આ બોલરોને ઘણી મદદ કરે છે. આ પીચ પર બોલ થોડો રોકાઈને આવી રહ્યો હતો. અમારે સારી બેટિંગ કરવી જોઈતી હતી. પથિરાના બોલિંગ કરવા આવ્યો ત્યાં સુધી અમે લક્ષ્યનો પીછો કરતી વખતે ખૂબ જ સારી શરૂઆત કરી હતી.' 

આગળ હાર્દિકે કહ્યું કે, 'હવે અમારે આગામી ચાર મેચ ઘરથી દૂર રમવાની છે અને તેમાં વધુ સારું રમવા પર ધ્યાન કેન્દ્રિત કરવું પડશે.' જણાવી દઈએ કે આ મેચમાં હાર બાદ મુંબઈ ઈન્ડિયન્સની ટીમ 6 મેચમાં 4 હાર બાદ પોઈન્ટ ટેબલમાં 8મા સ્થાને પહોંચી ગઈ છે, જેમાં તેનો નેટ રન રેટ પણ -0.234 છે.

વધુ વાંચો : Video: ધોનીની સ્ટાઈલમાં સ્ટંમપિંગ, લિવિંગસ્ટનને પેવેલિયન ભેગો કર્યો, ચોમેર વખાણ

મેચની વાત કરીએ તો IPL 2024 ની 29મી મેચ ખૂબ જ રોમાંચક રહી, જેમાં ચેન્નાઈ સુપર કિંગ્સે શાનદાર રમત બતાવી અને મુંબઈ ઈન્ડિયન્સને તેના હોમ ગ્રાઉન્ડ પર 20 રનથી હરાવ્યું. પ્રથમ બેટિંગ કરતા ચેન્નાઈએ 20 ઓવર રમીને 206 રન બનાવ્યા હતા. લક્ષ્યનો પીછો કરતી વખતે મુંબઈના બેટ્સમેનો માત્ર 186 રન સુધી જ પહોંચી શક્યા હતા.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો