કહેવું પડે / જ્યાં ભણીને આગળ આવ્યો ત્યાં જ આપ્યું રૂ. 100 કરોડનું દાન, જાણો કોણ છે આ દાતાર સ્ટુડન્ટ

• IIT કાનપુરના ભૂતપૂર્વ વિદ્યાર્થીની ઉદારતા
• ઈન્ડિગોના કો-ફાઉન્ડરે કર્યું રૂ. 100 કરોડનું દાન
• અબજોપતિ બિઝનેસમેન રાકેશ ગંગવાલે IITને આપ્યા 100 કરોડ

ઈન્ડિગોના કો-ફાઉન્ડરે આપ્યા રૂપિયા 100 કરોડ

એક ભૂતપૂર્વ વિદ્યાર્થીએ પોતાની શૈક્ષણિક સંસ્થાને એટલી મોટી રકમ દાનમાં આપી છે કે જેને સાંભળીને કોઈ પણ વ્યક્તિ ચોંકી જશે. આ રકમ એક-બે કરોડ નહીં પરંતુ 100 કરોડ રૂપિયા છે 
ઈન્ડિગો એરલાઈનના કો-ફાઉન્ડર અને અબજોપતિ બિઝનેસમેન રાકેશ ગંગવાલ (Rakesh Gangwal) એ આ રકમ IIT-કાનપુરને આપી છે. આ પૈસાનો ઉપયોગ કેમ્પસમાં 500 બેડની સુપર સ્પેશિયાલિટી હોસ્પિટલ બનાવવા માટે પણ કરવામાં આવશે.

Here is big news from @IITKanpur
In an extraordinary gesture, our alumnus Mr Rakesh Gangwal, Co-Founder of IndiGo airlines has made one of the largest personal donations with a 100 crore contribution focused on supporting the School of Medical Sciences & Technology at IIT Kanpur

— Abhay Karandikar (@karandi65) April 4, 2022

સંસ્થાના ઈતિહાસમાં ભૂતપૂર્વ વિદ્યાર્થી દ્વારા આપવામાં આવેલી આ સૌથી મોટી નાણાકીય સહાય છે. આ પૈસા સ્કૂલ ઓફ મેડિકલ સાયન્સ એન્ડ ટેકનોલોજીના વિકાસમાં મદદ કરવા માટે આપવામાં આવ્યા છે.

આ પ્રોજેક્ટ પાછળ અંદાજે રૂપિયા 600 કરોડનો ખર્ચ કરાશે. જેમાંથી અત્યાર સુધીમાં 350 કરોડ રૂપિયા એકત્ર કરાયા છે. IIT નાં ડાયરેક્ટર પ્રો. અભય કરંદીકરે જણાવ્યું હતું કે, રાકેશ ગંગવાલ તરફથી નાણાકીય મદદ એમઓયુ સંસ્થામાં સ્થપાઈ રહેલી મેડિકલ સાયન્સ એન્ડ ટેક્નોલોજીની શાળાને વધુ સુધારવામાં મદદ કરશે તેમજ સંશોધન કાર્યને વધારે પ્રોત્સાહન આપશે. તમને જણાવી દઈએ કે, સોમવારે મુંબઈમાં આયોજિત એક કાર્યક્રમમાં IIT-કાનપુર અને રાકેશ ગંગવાલ વચ્ચે MOU પર હસ્તાક્ષર કરવામાં આવ્યા હતાં.

IIT માંથી કર્યું છે મિકેનિકલ એન્જિનિયરિંગ

રાકેશ ગંગવાલ કોલકાતાના રહેવાસી છે અને તેઓએ 1975માં IIT કાનપુરમાંથી મિકેનિકલ એન્જિનિયરિંગ કર્યું હતું. તેઓ 1980માં એરલાઇન ઉદ્યોગમાં જોડાયા અને પછીથી તેઓ ઇન્ડિગોના સહ-સ્થાપક બન્યાં. તમને જણાવી દઈએ કે, આ પહેલાં ફ્લિપકાર્ટના બિન્ની બંસલ પણ IIT-દિલ્હીને 100 કરોડ રૂપિયા દાન કરી ચૂક્યાં છે.