કહ્યું ઈન્ડિયા પોસ્ટ કોઈપણ પ્રકારની ગિફ્ટ નથી આપી રહ્યું
એપ્પલે 12 સપ્ટેમ્બરનાં Iphone15ની સીરિઝ લોન્ચ કરી હતી જેમાં Iphone 15, 15 Plus, Iphone 15 Pro અને 15 Pro Max લોન્ચ થયા હતાં. આ ફોન્સ સેલિંગ માટે ઉપલબ્ધ છે. પરંતુ તેના માટે લાંબુ વેઈટિંગ ચાલી રહ્યું છે. તેવામાં સાઈબર ઠગીઓ પરિસ્થિતિનો ફાયદો ઊઠાવવાનો પ્રયાસ કરી રહ્યાં છે.
📢 Please be careful!
India Post is not giving any kind of gift through any unofficial portal or link 🚫
લકી ડ્રોમાં Iphone 15
હાલમાં જ સાઈબર ઠગીઓએ એક મેસેજ વાયરલ કર્યો હતો જેમાં તેમણે દાવો કર્યો કે ભારતીય પોસ્ટ ઓફિસની તરફથી નવરાત્રીનાં પર્વ નિમિત્તે લકી ડ્રોમાં Iphone 15 આપવામાં આવશે. અને આ લકી ડ્રોમાં શામેલ થવા માટે યૂઝર્સને વોટ્સએપ પર કેટલાક ગ્રુપ બનાવવાનાં રહેશે અને 20 લોકોને મેસેજ કરવાનો રહેશે. જો તમારી પાસે પણ આવો કોઈ મેસેજ આવ્યો છે તો સાવધાન થઈ જજો કારણકે પોસ્ટ ઓફિસ તરફથી ચેતવણી આપવામાં આવી છે.
ઈન્ડિયન પોસ્ટ ઓફિસે ચેતવણી આપી
મિનિસ્ટ્રી ઓફ કમ્યૂનિકેશન અંતર્ગત ડિપાર્ટમેન્ટ ઓફ પોસ્ટે X પ્લેટફોર્મ પર યૂઝર્સને એક સ્કેમ અંગે જાણકારી આપી છે. તેમણે કહ્યું કે એક ફિશિંગ મેસેજમાં એવો ખોટો દાવો કરવામાં આવી રહ્યો છે કે ઈન્ડિયા પોસ્ટ લકી વિનર્સને નવો આઈફોન 15 આપી રહ્યું છે. ઈન્ડિયા પોસ્ટે લખ્યું કે, કૃપા કરીને સાવધાન થઈ જજો. ઈન્ડિયા પોસ્ટ કોઈપણ બિનસત્તાવાર પોર્ટલ અથવા લિંકની મદદથી કોઈપણ પ્રકારની ગિફ્ટ નથી આપી રહ્યું. ઈન્ડિયા પોસ્ટ સંબંધિત કોઈપણ જાણકારી માટે કૃપા કરીને ઓફિશિયલ વેબસાઈટ indiapost.gov.in પર જવું.
સ્ક્રીનશૉટ પણ ઊમેર્યું
ભારતીય પોસ્ટ ઓફિસે પોતાની આ એડવાઈઝરીમાં વાયરલ મેસેજનો એક સ્ક્રીનશૉટ પણ જોડ્યો હતો. જેમાં દાવો કરવામાં આવ્યો કે નવરાત્રીમાં ગિફ્ટ રૂપે એક વ્યક્તિને આઈફોન 15 મળશે. ઈન્ડિયા પોસ્ટે ચેતવણી આપી કે આ મેસેજ ફેક છે અને યૂઝર્સને આવા મેસેજ ફોરવર્ડ ન કરવાની સલાહ આપવામાં આવે છે. મેસેજમાં બિનસત્તાવાર લિંક્સ આપવામાં આવી છે જેના પર ક્લિક કરવાનું ટાળવું જોઈએ.
