ભરતી 2025 / સરકારી બેંકમાં સ્નાતકો માટે નોકરીનો મોકો, IOBમાં 700થી વધારે પદો પર બમ્પર ભરતી

જો તમે બેંકમાં સારી સરકારી નોકરી કરવા માંગો છો. તો તમારા માટે એક નવી બેંકિંગ નોકરીની અપડેટ આવી છે. ઇન્ડિયન ઓવરસીઝ બેંકે એપ્રેન્ટિસ માટે 750 જગ્યાઓ માટે ખાલી જગ્યાઓની જાહેરાત કરી છે. આ ભરતી માટેની સત્તાવાર જાહેરાત બહાર પાડવામાં આવી છે. બેંકની સત્તાવાર વેબસાઇટ www.iob.in પર 1 માર્ચ 2025 થી ઓનલાઈન અરજીની પ્રક્રિયા શરૂ થઈ ગઈ છે. જેમાં લાયક ઉમેદવારો પાસેથી છેલ્લી તારીખ 9 માર્ચ સુધી અરજીઓ સ્વીકારવામાં આવશે. આ ભરતી માટેની પરીક્ષા ૧૬ માર્ચે યોજાવાની શક્યતા છે.

પોસ્ટ્સની વિગતો

બેંક કુલ 750 જગ્યાઓ માટે ભરતી કરી રહી છે. ઉમેદવારો નીચેના કોષ્ટકમાંથી શ્રેણીવાર ખાલી જગ્યાઓની વિગતો ચકાસી શકે છે.

ખાલી જગ્યા

• અનરિઝર્વ્ડ 368
• ઓબીસી 171
• ઇડબ્લ્યુએસ 66
• એસસી 111
• એસટી 34
• કુલ 750

પાત્રતા

ઇન્ડિયન ઓવરસીઝ બેંકની આ ભરતીમાં અરજી કરવા માટે ઉમેદવારોએ માન્ય યુનિવર્સિટીમાંથી કોઈપણ વિષયમાં સ્નાતક હોવું આવશ્યક છે. આ ઉપરાંત, ઉમેદવાર જે રાજ્યમાંથી અરજી કરી રહ્યો છે તે રાજ્યની સ્થાનિક ભાષાનું જ્ઞાન હોવું પણ જરૂરી છે. ઉમેદવારો ભરતીની સત્તાવાર સૂચનામાંથી લાયકાત સંબંધિત અન્ય માહિતી વિગતવાર ચકાસી શકે છે.

વય મર્યાદા

ઉંમર

ઉમેદવારોની ઉંમર 1 માર્ચ 2025 ના રોજ ઓછામાં ઓછી 20 વર્ષ અને મહત્તમ 28 વર્ષ હોવી જોઈએ. અનામત શ્રેણીઓને વય મર્યાદામાં છૂટછાટ મળશે.

સ્ટાઈપેન્ડ

મેટ્રો શહેરોમાં 15,000 રૂપિયાનું સ્ટાઈપેન્ડ આપવામાં આવશે. જ્યારે શહેરી વિસ્તારોમાં પગાર 12,000 રૂપિયા અને અર્ધ-શહેરી/ગ્રામીણ વિસ્તારોમાં પગાર ૧૦,૦૦૦ રૂપિયા હશે.

પસંદગી પ્રક્રિયા

ઓનલાઈન લેખિત પરીક્ષા, સ્થાનિક ભાષા કસોટી, દસ્તાવેજ ચકાસણી અને વ્યક્તિગત ઇન્ટરવ્યુ

અરજી ફી

દિવ્યાંગ ઉમેદવારો માટે અરજી ફી રૂ. 472, SC/ST/મહિલા ઉમેદવારો માટે રૂ. 708 અને જનરલ/OBC/EWS ઉમેદવારો માટે રૂ. 944 છે.

વધુ વાંચો : નોકરિયાત લોકો માટે ખુશખબર! આ વર્ષે પગારમાં મળશે આટલા ટકાનો વધારો: રિપોર્ટ

પસંદ કરાયેલા એપ્રેન્ટિસને બેંકમાં કાયમી નોકરીની કોઈ ગેરંટી નથી. બેંકની આ ભરતી સંબંધિત અન્ય કોઈપણ માહિતી માટે, ઉમેદવારો ઇન્ડિયન ઓવરસીઝ બેંકની સત્તાવાર વેબસાઇટની મુલાકાત લઈ શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ