- મોહમ્મદ શમી ODI વર્લ્ડ કપ 2023માં પોતાની પ્રથમ મેચ રમી રહ્યો છે
- ધર્મશાલાની પીચને ધ્યાનમાં લઈને શમીને ચાન્સ આપવામાં આવ્યો છે
- શમીએ તેના ODI વર્લ્ડ કપ 2023ના પહેલા જ બોલમાં વિકેટ લીધી
ટીમ ઈન્ડિયાનો ફાસ્ટ બોલર મોહમ્મદ શમીને ODI વર્લ્ડ કપ 2023માં પોતાની પ્રથમ મેચ રમવા માટે ચાર મેચ સુધી રાહ જોવી પડી હતી. તેને આ સિઝનમાં તેની પ્રથમ મેચ ન્યૂઝીલેન્ડ સામે રમવાની મળી, જે ભારતની પાંચમી મેચ છે. આ મેચમાં શાર્દુલ ઠાકુરને ભારતીય પ્લેઈંગ ઈલેવનમાંથી બહાર કરવામાં આવ્યો હતો અને ધર્મશાલાની પીચને ધ્યાનમાં લઈને મોહમ્મદ શમીને ચાન્સ આપવામાં આવ્યો છે. આ મેચમાં ભારતે ટોસ જીતીને પ્રથમ બોલિંગ કરવાનો નિર્ણય લીધો હતો અને ભારતીય બોલરોએ પણ ટીમને સારી શરૂઆત અપાવી હતી.
શમીએ પહેલા જ બોલમાં લીધી વિકેટ
ભારતીય ટીમને ન્યુઝીલેન્ડ સામે પ્રથમ સફળતા કિવી ઓપનર બેટ્સમેન ડેવોન કોનવેને શૂન્ય પર આઉટ કરીને મળી હતી પરંતુ આ પછી ટીમ ઈન્ડિયાને બીજી સફળતા શમીએ આપી હતી. શમીએ આ મેચમાં પોતાના સ્પેલના પહેલા જ બોલ પર આ સફળતા મેળવી હતી અને ODI વર્લ્ડ કપ 2023માં પણ આ તેનો પહેલો બોલ હતો.
શમીએ અનિલ કુંબલેનો રેકોર્ડ તોડ્યો
શમીએ વિલ યંગને આઉટ કરતાની સાથે જ ODI વર્લ્ડ કપમાં વિકેટોની સંખ્યા વધીને 32 થઈ ગઈ અને તેણે અનિલ કુંબલેને પાછળ છોડી દીધો જેણે વર્લ્ડ કપમાં કુલ 31 વિકેટ લીધી હતી. 32 વિકેટ સાથે શમી હવે વર્લ્ડ કપમાં સૌથી વધુ વિકેટ લેનારા ભારતીય બોલરોની યાદીમાં ત્રીજા સ્થાને આવી ગયો છે, જ્યારે કુંબલે ચોથા સ્થાને પહોંચી ગયો છે. આ યાદીમાં ઝહીર ખાન અને જવાગલ શ્રીનાથ 44-44 વિકેટ સાથે નંબર વન પર છે.
વર્લ્ડ કપમાં ભારત માટે સૌથી વધુ વિકેટ
44 વિકેટ – ઝહીર ખાન
44 વિકેટ – જવાગલ શ્રીનાથ
32 વિકેટ – મોહમ્મદ શમી
31 વિકેટ – અનિલ કુંબલે
ઝહીર ખાને સૌથી વધુ વિકેટ લીધી હતી
વર્લ્ડ કપમાં સૌથી વધુ વિકેટ લેનારા ભારતીય બોલરોમાં ઝહીર ખાન અને જવાગલ શ્રીનાથ છે. ઝહીરે વર્લ્ડ કપની 23 મેચમાં 44 અને શ્રીનાથે 34 મેચમાં 44 વિકેટ લીધી હતી. આ યાદીમાં શમી (32) બીજા સ્થાને, અનિલ કુંબલે (31) ત્રીજા સ્થાને , જસપ્રિત બુમરાહ (28), કપિલ દેવ (28) સંયુક્ત રીતે ચોથા સ્થાને અને મનોજ પ્રભાકર (24) પાંચમા સ્થાને છે.
આ યાદીમાં મદન લાલ (22) છઠ્ઠા સ્થાને, હરભજન સિંહ (20) અને યુવરાજ સિંહ (20) 7મા સ્થાને છે.
પંડ્યાની ઈજાને કારણે ભારતીય ટીમમાં 2 ફેરફાર
ન્યુઝીલેન્ડ સામેની ભારતીય ટીમની પ્લેઈંગ ઈલેવનમાં બે ફેરફાર કરવામાં આવ્યા છે. ઘાયલ હાર્દિક પંડ્યાના સ્થાને સૂર્યકુમાર યાદવને તક મળી છે. આ ઉપરાંત શાર્દુલ ઠાકુરની જગ્યાએ શમીને ટીમમાં સામેલ કરવામાં આવ્યો હતો. શમી આ વર્લ્ડ કપમાં પોતાની પ્રથમ મેચ રમી રહ્યો છે. શમીએ તેની કારકિર્દીમાં અત્યાર સુધી 95 વનડે રમી છે. આ સમયગાળા દરમિયાન, 94 ઇનિંગ્સમાં તેણે 25.46ની એવરેજ અને 5.59ની ઇકોનોમી સાથે 172* વિકેટ લીધી છે.
