ક્રિકેટ / IND v/s WI: અમદાવાદ પહોંચેલી વેસ્ટઇન્ડિઝ ટીમ 3 દિવસ રહેશે ક્વોરન્ટીન, 6 ફેબ્રુ.એ મોદી સ્ટેડીયમમાં પ્રેક્ષકો વગર જ રચાશે ઈતિહાસ

• ભારત-વેસ્ટ ઇન્ડીઝ વન-ડે સીરીઝ 
• 6 ઠ્ઠી ફેબ્રુઆરીથી અમદાવાદમાં 
• મોદી સ્ટેડીયમમાં રમાશે ઐતિહાસિક મેચ 

ભારતીય ક્રિકેટ ટીમ સાથે ત્રણ એક દિવસીય મેચ અને ત્રણ T-20 સીરીઝ માટે પ્રવાસી વેસ્ટ ઇન્ડીઝ ટીમ આજે સાંજે અમદાવાદ આવી પહોચી છે. અમદાવાદમાં વન ડે સીરીઝ અને કોલકાતામાં T20 સિરીઝમાં રમાશે. 3 વન ડે અને 3 ટી-20 સીરીઝ રમવા પહોચેલી વેસ્ટ ઇન્ડીઝ ટીમના તમામ ખેલાડીઓને ત્રણ દિવસના ક્વોરન્ટીન રહેવુ પડશે. અમદાવાદના નરેન્દ્ર મોદી સ્ટેડીયમમાં  એક નવો ઈતિહાસ રચાશે. આ મેચ સાથે જ ભારતીય ક્રિકેટ ટીમ 1000મી વન ડે રમનારી વર્લ્ડની પહેલી ટીમ બનશે.

આ ઐતિહાસિક મેચનું સાક્ષી અમદાવાદ અને નરેન્દ્ર મોદી સ્ટેડીયમ બનશે. ત્રણ એક દિવસીય મેચની આ શ્રુંખલા 6 ઠ્ઠી ફેબ્રુઆરીથી શરુ થશે. જો કે.પૂર્વ નિર્ધારિત રીતે મોદી સ્ટેડીયમમાં એક પણ દર્શકને પ્રવેશ નહિ મળી શકે. તો કોલકાતામાં આયોજિત T20 સિરીઝમાં 75% દર્શકોને પ્રવેશ મળશે. આ   T20 સીરીઝ  16 ફેબ્રુઆરીથી કોલકાતામાં રમાશે. 

વન ડે- શેડ્યુલ 

પહેલી વનડે - 6 ફેબ્રુઆરી, અમદાવાદ
બીજી વનડે- 9 ફેબ્રુઆરી, અમદાવાદ
ત્રીજી વનડે- 11 ફેબ્રુઆરી, અમદાવાદ

T20 શિડ્યૂલ

પહેલી T20- 16 ફેબ્રુઆરી, કોલકાતા
બીજી T20- 18 ફેબ્રુઆરી, કોલકાતા
ત્રીજી T20- 20 ફેબ્રુઆરી, કોલકાતા