આભ તૂટ્યું / જૂનાગઢમાં માતાની સોડમાં મીઠી મમતામયી ઊંઘ માણી રહેલા બાળકને દીપડો ઉઠાવી ગયો

• જૂનાગઢ ગ્રામ્ય પંથકમાં વધી દીપડાની રંજાડ 
• જુનાગઢના વંથલી પાસે બાળકનું કર્યું મારણ 
• મજૂર પરિવારના બાળકને દીપડો ઉઠાવી ગયો 

જૂનાગઢ જીલ્લાના ગ્રામીણ વિસ્તારોમાં હજુ પણ હિંસક પ્રાણીઓનો રંજાડ ઓછો ના થતો હોય તેમ,વંથલીના ગ્રામ્ય વિસ્તારમાં એક પાંચ વર્ષીય બાળકનું  દીપડાએ મારણ કર્યું છે. વિધિની વક્રતા તો એ રહી કે માતાની સોડમાં મીઠી ઊંઘ માણી રહેલા બાળકને દીપડો ખેંચી ગયો હતો.

દાહોદના પરિવાર પર આભ તૂટ્યું 

વંથલી તાલુકાના વસપડા ગામની આ ઘટનામાં દાહોદથી મજૂરી કામેલા આવેલા દંપતી સાથે આ કરુણ ઘટના બનવા પામી છે. વસપડા ગામમાં  મજૂરી માટે આવેલા પરિવારની આ કરુણાંતિકામાં માતાની સોડમાં મીઠી ઊંઘ માણી રહેલા પાંચ વર્ષીય બાળકને દીપડો ખેંચી ગયો હતો.આ ઘટનાની જાણ થતા મજૂર પરિવાર પર જાણે આભ તૂટી પડ્યું હતું. ઘટનાની માહિતી વન વિભાગને પહોચાડાતા,વન વિભાગે દીપડાને ઝડપી પાડવા ચક્રો ગતિમાન કર્યા છે.ચાલુ વર્ષે વન્ય પ્રાણી દ્વારા આ બીજી ઘટના બની છે જેમાં વ્યક્તિનો ભોગ લેવાયો હોય.

હવે સિંહ રસ્તા પર વિહરે છે 

હવે શિયાળાની ફૂલ ગુલાબી ઠંડી સૌરાષ્ટ્રમાં થઇ ગઈ છે ત્યારે, વન્ય પ્રાણીઓનો વિહાર પણ વિસ્તાર્યો છે,ગીર પંથકમાં તો સિહ પરિવાર સડકો પર સવાર-સવારમાં વિહરતા જોવા મળે તે દૃશ્યો સામાન્ય બન્યા છે. આવા સંજોગોમાં જરા પણ લાપરવાહી હિંસાનો શિકાર બનાવી શકે છે.