ફૂંફાડો / ગુજરાતમાં કોરોના સંક્રમણથી ત્રણ મોત,ફફડાટ વધ્યો કેસના 'આંકડા 'સ્ટેબલ

• છેલ્લા 24 કલાકમાં કોરોના આંકડામાં 'સ્ટેબલ' 
• ગુજરાતમાં છેલ્લા 24 કલાકમાં 63 કેસ નવા 
• ત્રણ દર્દીઓના કોરોના સંક્રમણથી થયા મોત 

ગુજરાતમાં કોરોનાના કેસમાં સતત વધારો થઇ રહ્યો છે.કોરોનાના કારણે રાજ્યમાં 3 દર્દીઓના મૃત્યુ થયા છે. રાજકોટ, ભાવનગર અને વલસાડમાં કોરોનાગ્રસ્ત 3 દર્દીઓના મૃત્યુ થયા છે. રાજ્યમાં કોરોનાના વધુ 63 કેસ નોંધાયા છે. અને કોરોનાને માત આપીને 39 દર્દી ડિસ્ચાર્જ થયા છે. કોરોનાના એક્ટિવ કેસની સંખ્યા 480 થઈ છે. જયારે કોરોનાગ્રસ્ત 6 દર્દી વેન્ટિલેટર પર સારવાર હેઠળ છે.

રાજ્યભરમાં અત્યાર સુધી 10098 નાગરિકોના મોત થયા છે.તો અત્યાર સુધી  817428 દર્દીઓ ડિસ્ચાર્જ થયા છે.ગુજરાતમાં કોરોનાથી સાજા થવાનો દર 98.72 ટકા રહ્યો છે.અમદાવાદ શહેરમાં કોરોનાના સૌથી વધુ 13 કેસ નોંધાયા છે તો જામનગરમાં 11, સુરતમાં 11, વડોદરામાં 12 કેસ સામે આવ્યા છે. કચ્છમાં 3, નવસારી અને વલસાડમાં 3-3 કેસ નોંધાયા છે. રાજકોટમાં 3, આણંદમાં એક , અને  બનાસકાંઠામાં એક કેસ છે.રાજ્યમાં  એક જ દિવસમાં  5.58 લાખ નાગરિકોનું થયુ રસીકરણ કરવામાં આવ્યું છે.અત્યાર સુધી રાજ્યમાં રસીના 8.47 કરોડથી વધુ ડોઝ અપાઈ ચુક્યા છે.