સાબરકાંઠા તેમજ અરવલ્લી જીલ્લામાં અકસ્માતનાં બે બનાવમાં એક મહિલાનું મોત નિપજ્યું હતું. જ્યારે ત્રિપલ અકસ્માતમાં સદનસીબે કોઈ મોટી જાનહાનિ થવા પામી ન હતી. પૂર્વ ધારાસભ્ય દ્વારા અનેકવાર સર્જાતા અકસ્માત મામલે રજૂઆત કરવા છતાં કોઈ ઉકેલ ન આવતા સોશિયલ મીડિયા પર હૈયા વરાળ ઠાલવી હતી.
Share
ધનસુરા પોલીસ સ્ટેશન નજીક અકસ્માતમાં મહિલાનું મોત
ઇડર હિંમતનગર હાઈવે રોડ પર ત્રીપલ અકસ્માત
વધતા જતા અકસ્માતને લઈ પૂર્વ ધારાસભ્યએ સોશિયલ મીડિયા પર રોષ ઠાલવ્યો
અરવલ્લી જીલ્લાનાં ધનસુરા પોલીસ સ્ટેશન નજીક અકસ્માત સર્જાયો હતો. અકસ્માત થતાં એક મહિલાનું મોત નિપજ્યું હતું. બાઈક સવાર મહિલા ટ્રકનાં ટાયરમાં આવી જતા મોત નિપજ્યું હતું. ધામનિયાનાં રહેવાસી જયાબેન સોલંકીનું મોત નિપજ્યું હતું. આ મામલે ધનસુરા પોલીસે વધુ તપાસ હાથ ધરી છે.
નાની મોટી ઇજાઓ તથા ખાનગી હોસ્પિટલ ખાતે ખસેડાયા
સાબરકાંઠા જીલ્લાનાં ઈડર-હિંમતનગર હાઈવે પર ત્રિપલ અકસ્માત સર્જાયો હતો. ઈડર હાઈવે પર કૃષ્ણનગર પાટીયા નજીક અકસ્માત સર્જાયો હતો. એક સાથે ત્રણ ટ્રક સામ સામે અથ઼ડાતા અકસ્માત થયો હતો. સદનસીબે મોટી જાનહાનિ ટળતા તમામનો બચાવ થયો હતો. નાની મોટી ઈજાઓ તથા ખાનગી હોસ્પિટલ ખાતે ખસેડાયા હતા. અકસ્માતનાં કારણે હાઈવે પર ટ્રાફિકનાં દ્રશ્યો સર્જાયા હતા.
આવેદનપત્ર આપવા છતા કામગીરી ન થતા આંદોલનની ચીમકી
વાંસદ-બગોદરા હાઈવે પર વધતા અકસ્માતને લઈને બોરસદના પૂર્વ ધારાસભ્ય રાજેન્દ્રસિંહ પરમારે સોશિયલ મીડિયા પર પોસ્ટ મુકી હતી. સોશિયલ મીડિયા પર પૂર્વ ધારાસભ્ય દ્વારા રોષ ઠાલવતા ધારાસભ્યએ જણાવ્યું હતું કે, આવેદનપત્ર આપવા છતાં કામગીરી ન થતા આંદોલનની ચીમકી ઉચ્ચારી હતી. પૂર્વ ધારાસભ્ય દ્વારા સોશિયલ મીડિયા પર પોસ્ટ કરી યોગ્ય નિકાલ કરવાની માંગ ઉચ્ચારી છે. આસપાસનાં ગામડામાં નાળુ ન મળતા લોકો રોંગ સાઈડનો સહારો લે છે. ત્યારે અગાઉ ત્રિપલ અકસ્માતમાં 2 લોકોએ જીવ ગુમાવ્યો હતો.
