હાઈકોર્ટ / અમદાવાદ મનપાનું ગેરકાયદે દબાણ, રખડતા પશુ, પાર્કિંગ અંગે સોગંદનામું, આંકડામાં જુઓ શું શું થઈ કાર્યવાહી

• ગુજરાત હાઈકોર્ટમાં અમદાવાદ મનપાનું સોગંદનામું
• શહેરમાં જુદી જુદી કામગીરી અંગે હાઈકોર્ટમાં સોગંદનામું
• ગેરકાયદે પાર્કિંગ અને દબાણ મુદ્દે 7 ઝોનમાં કાર્યવાહી કરી
• 62,100માંથી 44,810 ફેરિયાઓને I-CARD ઈશ્યૂ કર્યા

ગુજરાત હાઈકોર્ટમાં અમદાવાદ મ્યુનિસિપલ કોર્પોરેશન દ્વારા સોગંદનામું કરવામાં આવ્યું છે. જેમાં જુદી જુદી કામગીરી જેવી કે ગેરકાયદેસર દબાણ, રખડતા પશુ, પાર્કિંગ અંગે કાર્યવાહિને લઈને હાઈકોર્ટમાં સોગંદનામું કરવામાં આવ્યું છે. ત્યારે અમદાવાદમાં 1-12-2022 થી 31-01-2023 સુધી 3913 પશુ પકડાયા હતા. જ્યારે રખડતા પશુ મામલે કુલ 27.77 લાખમાં દંડ વસુલાયો છે. રખડતા પશુ મામલે 151 ફરિયાદ કરી જ્યારે 695 RFID ટેગ લગાવાયા.

ગેરકાયદે પાર્કિંગ અને દબાણ મુદ્દે 7 ઝોનમાં કાર્યવાહી કરી
અમદાવાદમાં ગેરકાયદેસર પાર્કિગ અને દબાણ મુદ્દે 7 ઝોનમાં કાર્યવાહિ કરવામાં આવી છે. જેમાં 7 ઝોનમાં કુ 1154 ગેરકાયદેસર લારી-ગલ્લા હટાવાયા છે. તેમજ શહેરમાંથી 9486 ગેરકાયદેસર બેનર, 337 ગેરકાયદેરસ પાર્કિંગ હટાવ્યા અને અમદાવાદ શહેરમાં 21490 અન્ય દબાણ હટાવવામાં આવ્યા છે. 

બે પ્રકારની પદ્ધતિથી માર્ગ મરામતનું કામ કરવામાં આવ્યું છેઃAMC
અમદાવાદ શહેરમાં ફેરિયાઓ મામલે પણ AMC દ્વારા કાર્યવાહિ હાથ ધરવામાં આવી છે. શહેરમાં AMC એ કુ 62100 ફેરિયા આઈડેન્ટિફાય કર્યા છે. જેમાંથી 44810 ફેરિયાઓને I-CARD ઈશ્યૂ કર્યા છે.  હજુ પણ 17290 ફેરિયાઓને I-CARD આપવાના બાકી છે. તૂટેલા રોડની મરામતનો કામગીરીનો રિપોર્ટ પણ કોર્ટમાં રજૂ કરાયો હતે. બે પ્રકારની પદ્ધતિથી માર્ગ મરામતનું કામ કરવામાં આવ્યું છે. જેમાં હોટમિક્સ અને માઈક્રો સર્ફેસિંગ સમર પદ્ધતિનો ઉપયોગ કરાયો છે.  જુદા જુદા ઝોનમાં 29,30,091 મેટ્રિક ટન હોટમિક્સ વાપરવામાં આવ્યું હતું. જેમાં 25,77,404 મેટ્રિક ટન માઈક્રો સર્ફેસિંગ સમરીનો ઉપયોગ કરાયો છે.