તમારા કામનું / આ લોકોના Whatsapp અકાઉન્ટ 120 દિવસ બાદ થઈ જશે ડિલીટ, ચૅક કરી લો તમારું પણ

• 15મેથી લાગુ કરવા જઈ રહ્યુ છે નવી પ્રાઇવસી પોલિસી
• જો સ્વીકાર નહી કરો તો થઈ જશે વોટ્સએપ બંધ
• લોકો વોટ્સએપમાંથી સિગ્નલ અને ટેલિગ્રામ તરફ વળ્યા

મેસેજ મળવાનાં બંધ થઈ જશે

વોટ્સએપની નવી પ્રાઇવસી પોલિસી આઠ ફેબ્રુઆરીથી લાગુ થવાની છે પણ વિવાદ બાદ કંપનીએ પ્રાઇવસીને મે સુધી અટકાવી દીધી હતી. હવે ફરીથી પ્રાઇવસી પોલિસીથી લઈને વોટ્સએપે નોટીફિકેશન જાહેર કર્યું હતું. જે મુજબ વોટ્સએપની પ્રાઇવસી પોલિસી 15 મે 2021એ લાગુ થવા જઈ રહી છે. મે મહિનામાં લાગુ થનાર વોટ્સએપની પોલિસીને લઈને વિવાદ શરુ થઈ ગયો છે. કેમકે જો તમે વોટ્સએપની નવી પોલિસી 15 મે સુધી સ્વીકારશો નહીં તો ત્યારબાદ તમે કોઈને પણ મેસેજ નહીં મોકલી શકો અને કોઈનો મેસેજ મેળવી પણ નહીં શકો.

120 દિવસો બાદ એકાઉન્ટ થઈ જશે ડિલીટ

વોટ્સએપે કહ્યુ છે કે યૂઝર્સ જ્યાં સુધી પોલિસીને એક્સેપ્ટ નહીં કરી લે ત્યાં સુધી કોઈ મેસેજ સેન્ડ કે રિસીવ નહી કરી શકે. જે લોકો પોલિસીનો સ્વીકાર નહીં કરે તેમનું એકાઉન્ટ ઈનએક્ટિવ દેખાશે અને ઈનએક્ટિવ એકાઉન્ટ 120 દિવસ બાદ ડિલીટ થઈ જશે. પોલિસી એક્સેપ્ટ કરવા માટે કંપની થોડા દિવસોમાં નોટીફિકેશન આપતી રહેશે અને પછી તેને બંધ કરી દેશે.

નવી પોલિસીનો ભારતમાં વિરોધ

નવા નિયમોને લઈને ભારતમાં વિરોધ થઈ રહ્યાં છે, ભારતમાં વોટ્સએપનાં સૌથી વધારે યુઝર્સ છે. નવી પોલિસીથી લોકો નારાજ છે, વોટ્સએપ હવે તેની પેરેન્ટ કંપની ફેસબુક સાથે વધારે ડેટા શેર કરવાની યોજના બનાવી રહ્યું છે. જોકે વોટ્સએપે સ્પષ્ટ કરી દીધુ છે કે તેવુ નહીં થાય પણ આ અપડેટ બિઝનેસ એકાઉન્ટ સાથે જોડાયેલુ છે.
વોટ્સએપ પહેલાથી જ ફેસબુક સાથે અમુક માહિતીઓ શેર કર છે જેમાં યૂઝર્સનું આઈપી એડ્રેસ અને પ્લેટફોર્મ થકી ખરીદી કરનારની જાણકારી પણ પહેલાથી આપવામાં આવે છે. પણ યુરોપ અને યુકેમાં તે એવુ નથી કરતા, કેમકે આ દેશોમાં જુદા જુદા પ્રાઇવસી નિયમો છે. ઉલ્લેખનીય છે કે, વોટ્સએપની નવી પ્રાઇવસી પોલિસીને જાહેરાત બાદ ટેલિગ્રામ અને સિગ્નલ જેવી એપ્સનું ડાઉનલોડિંગ જબરદસ્ત વધ્યુ હતું. જાન્યુઆરીનાં પહેલા સપ્તાહમાં જ ભારતમાં સિગ્નલને 2.5 કરોડથી વધારે લોકોએ ડાઉનલોડ કર્યુ છે. જ્યારે લાખો લોકોએ વોટ્સએપ એકાઉન્ટને ટેલિગ્રામ પર શિફ્ટ કર્યું છે.