Cyber Fraud / ઓનલાઈન રૂપિયા કમાવવાની લાલચમાં આવશો તો ભરાઈ જશો, એક હજાર માટે ગુમાવ્યા 7 લાખ રૂપિયા

સુરત શહેરમાં સાઇબર ફ્રોડના કિસ્સામાં સતત વધારો થઈ રહ્યો છે. ત્યારે વર્તમાન સમયમાં સોશિયલ મીડિયા પર અલગ અલગ જાહેરાત મૂકીને લોકો સાથે છેતરપિંડી કરવામાં આવી રહી છે. ત્યારે સુરતના એક વ્યક્તિને ટેલિગ્રામ આઈડી પર હોટલમાં ઓર્ડર કરવાના ટાસ્ક પૂરા કરવાથી સારું કમીશન આપવાની લાલચ આપી છેતરપીડીનો કિસ્સો સામે આવ્યો છે..

અલગ અલગ બેન્ક એકાઉન્ટમાં 7,50,000 ટ્રાન્સફર કરાવ્યા 

છેતરપીંડી કરનારે વેબસાઈટમાં ફરિયાદીના નામના યુઝરનેમ અને આઈડી પાસવર્ડ બનાવ્યા હતા. ત્યારબાદ ફરિયાદીને એક એક ટાસ્ક પૂરો કરવા બદલ 1042 રૂપિયાનું કમિશન આપ્યું હતું. ત્યારબાદ વધારે ટાસ્ક માટે ફી ભરવાનું કહી આરોપીઓએ ફરિયાદી પાસેથી અલગ અલગ ટાસ્કના નામે અલગ અલગ બેન્ક એકાઉન્ટમાં 7,50,000 ટ્રાન્સફર કરાવી લીધા હતા. 

આ પણ વાંચોઃ  ભાજપમાં તમામ વ્યવસ્થા છે' ગોરધન ઝડફિયાએ કાર્યકર્તાઓની નારાજગીને લઈ કરી આ વાત

ત્યારબાદ 7,50,000માંથી ફરિયાદીને માત્ર 55,360 રૂપિયાનું પેમેન્ટ ચૂકવ્યું હતું અને 6,94,000નું રૂપિયાનું પેમેન્ટ ચૂકવ્યું ન હતું તેથી અંતે ફરિયાદીએ સમગ્ર મામલે સાયબર ક્રાઇમ પોલીસનો સંપર્ક કર્યો હતો. સાયબર ક્રાઈમ પોલીસ દ્વારા સમગ્ર મામલે ટેકનિકલ સર્વેલન્સના આધારે સુરતના પુણાગામ વિસ્તારમાં ચામુંડા નગરમાં રહેતા રત્નકલાકાર જીગ્નેશ ઉર્ફે જીગો સુથારની ધરપકડ કરવામાં આવી છે અને જીગા એ અત્યાર સુધીમાં કેટલા સાથે આ પ્રકારે છેતરપિંડી કરી છે તે બાબતે તેની પૂછપરછ હાથ ધરવામાં આવી છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો