રાજ્યમાં ધીમે ધીમે હવે લોકસભાની ચૂંટણી નો માહોલ દેખાઈ રહ્યો છે. ભાજપ અને કોંગ્રેસ પક્ષ પ્રચાર પ્રસાર પણ કરી રહ્યા છે ત્યારે રાજ્યમાં ભાજપ પક્ષ દ્વારા 26 બેઠકો પર 5 લાખની લીડ કરવાનો ટાર્ગેટ આપ્યો છે. ત્યારે ભાજપ ની સમગ્ર વ્યૂહરચનાને લઈને ભાજપ પ્રદેશ ઉપાધ્યક્ષ ગોરધન ઝડફિયાએ VTV સાથે EXECULSIVE વાત કરી હતી જેમાં ઝડફિયાએ કહ્યું હતું કે ભાજપ હંમેશા માટે ચૂંટણી માટે તૈયાર હોય છે અને સંગઠનની તાકાત અને સરકારનો ભરોસો છે જે લોકો સુધી જશે.
છેલ્લા 5 મહિનાથી ચૂંટણીલક્ષી વિશેષ આયોજન કરી રહ્યા છીએ
હાલમાં તો બુથ સમિતિ સભ્યો રજીટ્રેશન કરવામાં આવ્યું છે. પેજ સમિતિ થી પ્રદેશ સુધી માળખું તૈયાર છે જ્યારે લોકસભા ની ચૂંટણીમાં સરકાર ની કામગીરી પ્રજા વચ્ચે સરકાર ની યોજના લઈ જવાનો અભિગમ છે. અમે છેલ્લા 5 મહિનાથી ચૂંટણીલક્ષી વિશેષ આયોજન કરી રહ્યા છીએ. બુથ સુધીની બેઠકો પૂર્ણ કરવામાં આવી છે. ભાજપ પક્ષના કાર્યકર માટે 5 લાખ ની લીડ એ હાર્ડ ટાસ્ક છે, પણ 10% મતદાન વધશે તો લીડ કલિયર થશે 2019 ના પરિણામમાં 50% બેઠકો 3 લાખ લીડ ની આસપાસ હતી. જ્યારે હાલમાં ભાજપના કાર્યકર્તાઓ નારાજ છે આ બાબતે ઝડફિયાએ નિવેદન આપ્યું હતું કે ભાજપમાં તમામ વ્યવસ્થા છે.
અમારી પાસે 72000 જેટલા પેજ સમિતિનાં સભ્યો નોંધાયેલા
આ બાબતે ગોરધન ઝડફિયાએ જણાવ્યું હતું કે, ભારતીય જનતા પાર્ટી હંમેશા માટે ચૂંટણી માટે તૈયાર જ હોય છે. વિશેષ કરીને અમારી પાસે જે સંગઠનની તાકાત છે. સમજો કે અમારી પાસે 72000 જેટલા પેજ સમિતિનાં સભ્યો નોંધાયેલા છે. અમારી બધી જ બુથ સમિતિનાં સભ્યો રજીસ્ટર્ડ છે વેરીફાઈડ છે. સંગઠનનું માળખું પેજ સમિતિથી માંડીને પ્રદેશ સુધીનું સુદ્રઢ વ્યવસ્થા જો કોઈ પણ પોલીટીકલ પાર્ટીની હોય તો તે ભાજપની છે. અને અમારો જીતનો આધાર સંગઠન અને સરકાર, કેન્દ્ર અને રાજ્ય સરકારની કામગીરી ભારતીય જનતા પાર્ટીની સરકારનો પરિશ્રમ અને પ્રજા વચ્ચે સરકારની યોજના લઈ જવાનો સરકારનો અભિગમ. એના આધારે અમારી ચૂંટણી વ્યવસ્થા સંપૂર્ણ અમે લગભગ પાંચ છ મહિનાથી અમારી તૈયારીઓ, પ્લાનીંગ, આયોજન આ બધુ જ ચાલી રહ્યું છે. અને એનાં સંદર્ભમાં નીચે અમારી બુથ સુધીની બેઠકો બહુ વખત પહેલા થઈ ગઈ છે.
વધુ વાંચોઃ 'રૂપાલા કે ક્ષત્રિય સમાજ..બે માંથી એક જ ઓપ્શન', ભાજપ સાથે બેઠક બાદ ક્ષત્રિય આગેવાનોનું એક સૂરે નિવેદન
પ્રદેશ અધ્યક્ષ દ્વારા જે ટાર્ગેટ આપ્યો તે લોકોએ સહર્ષ સ્વીકાર્યો
લોકસભાની 26 બેઠકો પાંચ લાખની લીડથી જીતવા બાબતે તેમણે જણાવ્યું હતું કે, હાર્ડ ટાસ્ક દેખીતી રીતે લાગે પરંતું પર્સન્ટેજ વોટીંગ લોકસભાનું 14 માં 48 ટકા હોય, 19 માં 62 ટકા થાય 10 ટકા મત વધેને એટલે પાંચ લાખનો ટાર્ગેટ પુરો થાય. કેટલીક સીટો એવી છે કે પાંચ લાખની નજીક છે. 50 ટકા સીટો એવી છે જે ત્રણ લાખની આસપાસ છે. થોડીક જ એવી સીટો છે જે બે લાખની આસપાસની છે. હવે પ્રશ્નએ છે કે પ્રદેશ અધ્યક્ષ દ્વારા જે ટાર્ગેટ આપ્યો છે. જે લોકોએ સહર્ષ સ્વીકાર્યો છે. અમે 2014 માં ટાર્ગેટ આપ્યો હતો કે અમે 270 પ્લસ તો અને 282 લાવ્યા. અમે 19 માં ટાર્ગેટ રાખ્યો હતો કે 300 પ્લસ તો અમે 303 લાવ્યા. આ વખતે અમે 400 પાર ટાર્ગેટ રાખ્યો છે. એ એમનેમ નથી થયું. ભારતીય જનતા પાર્ટીની જે વ્યવસ્થા છે અને વડાપ્રધાને કરેલા કામો. છેલ્લા દસ વર્ષમાં જે બદલાવ આવ્યો છે. 2014 નાં જે નરેન્દ્રભાઈ મોદી હતા જે ભારતની આશા હતા. પાંચ વર્ષની કામગીરી ઉપલબ્ધીનાં કારણે 2019 ના નરેન્દ્રભાઈએ આ દેશનો ભરોસો બન્યા. 24 નાં નરેન્દ્રભાઈ છે તે 10 વર્ષની કામગીરીને કારણે ગેરંટી બન્યા.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
