ઈક્વાડોર / VIDEO : લોકેશન શેર કરવામાં ધ્યાન રાખજો ! આ ખૂબસુરત છોકરીએ કર્યું તો મળ્યું મોત, વીડિયો

ઈક્વાડોરની બ્યુટી ક્વીન અને સોશિયલ મીડિયા ઈન્ફ્લ્યુએન્સર લેન્ડી પર્રાગા ગોયબુરોને ઈન્સ્ટાગ્રામ પર લોકેશન શેર કરવું ખૂબ મોંઘું પડ્યું અને તેણે શેર કરેલા લોકેશન પર આવીને અજાણ્યા હુમલાખોરોએ તેને ગોળીઓથી વીંધી નાખી હતી. ક્વેવેડા શહેરની રેસ્ટોરન્ટમાં તે જ્યારે સી ફૂડ ખાવા બેઠી હતી ત્યારે આ ઘટના બની હતી. તે એક લગ્ન સમારોહમાં હાજરી આપવા માટે ક્વેવેડો શહેરમાં પહોંચી હતી.

માફિયા સાથે ઈશ્ક

23 વર્ષીય લેન્ડી પર્રાગા ગોયબુરોને ડ્રગ માફિયા લિએન્ડ્રો નોરેરો સાથે અફેર હોવાની શંકા હતી. એક વર્ષ પહેલા જેલમાં તોફાન દરમિાયન આ ડ્રગ માફિયાની હત્યા થઈ હતી. પોલીસને એવી શંકા છે કે તેની વિધવાએ બ્યૂટી ક્વીનની હત્યા કરાવી હતી.

કેવી રીતે થઈ હત્યા

લેન્ડી પર્રાગા ગોયબુરોની હત્યાનો એક વીડિયો પણ સામે આવ્યો છે. ફૂટેજમાં ગોયાબુરો રેસ્ટોરન્ટમાં એક વ્યક્તિ સાથે વાત કરતા જોઈ શકાય છે. પછી બે બંદૂકધારી આવ્યા, જેમાંથી એક ગેટ પર જ ઊભો હતો. બીજો ગોયબુરો તરફ દોડ્યો. હુમલાખોરે ત્રણ ગોળીઓ ચલાવી અને ઘટનાસ્થળેથી ભાગી ગયો. ગોયાબુરોનું ઘટનાસ્થળે જ મોત થયું હતું.

વધુ વાંચો : મહિલા સાંસદ સાથે દરિંદગી, ડ્રગ્સ આપીને રેપ કરાયો, વીડિયો થયો વાયરલ

નિષ્ણાંતોએ આપી ચેતવણી

નિષ્ણાતોનું કહેવું છે કે સોશિયલ મીડિયા પર તમારું લોકેશન શેર કરવું એ ખરાબ આદત નથી. પરંતુ વાસ્તવિક સમયમાં આ કરવાનું ટાળવું જોઈએ. ગોયાબુરોની હત્યાએ સુરક્ષાને લગતા અનેક સવાલો ઉભા કર્યા છે. કેટલીક એજન્સીઓ કહે છે કે જો તમે કોઈ સ્થાન શેર કરવા માંગતા હો, તો જ્યાં સુધી તમે ત્યાંથી બહાર ન જાઓ ત્યાં સુધી તેને શેર કરશો નહીં. આ સિવાય યુનિવર્સિટી ઓફ પિટ્સબર્ગના આઈટી વિભાગે અંગત માહિતી ખાનગી રાખવા અંગે ચેતવણી આપી છે.