IPL 2024 / 'વેન્ટિલેટર પરથી RCB બહાર, પણ ICUમાં ખરી' પ્લેઓફની ચર્ચા વચ્ચે જાડેજાનું નિવેદન

રોયલ ચેલેન્જર્સ બેંગ્લોરે શનિવારે ગુજરાત ટાઇટન્સને હરાવ્યું. ફાફ ડુ પ્લેસિસની આગેવાની હેઠળની RCBએ ગુજરાત ટાઇટન્સને 38 બોલ બાકી રહેતા હરાવ્યું. આ સાથે જ આ જીત બાદ રોયલ ચેલેન્જર્સ બેંગ્લોરે પોતાની પ્લેઓફની આશા જીવંત રાખી છે. પરંતુ સવાલ એ છે કે શું રોયલ ચેલેન્જર્સ બેંગ્લોરની ટીમ પ્લેઓફમાં પહોંચી શકશે? આ સવાલનો જવાબ પૂર્વ ભારતીય ક્રિકેટર અજય જાડેજાએ ફની રીતે આપ્યો છે. અજય જાડેજાએ કહ્યું કે હવે રોયલ ચેલેન્જર્સ બેંગ્લોર વેન્ટિલેટર પર નથી, પરંતુ હજુ પણ ICUમાં છે.

'પ્લેઓફની આશા ચોક્કસપણે જીવંત છે, પરંતુ...'

અજય જાડેજાનું માનવું છે કે રોયલ ચેલેન્જર્સ બેંગ્લોર માટે પ્લેઓફની આશા ચોક્કસપણે જીવંત છે, પરંતુ આગળનો રસ્તો સરળ નથી. તેણે કહ્યું કે વિરાટ કોહલી, ફાફ ડુ પ્લેસિસે જે રીતે ગુજરાજ ટાઇટન્સ સામે બેટિંગ કરી તે પ્રશંસનીય છે. પરંતુ આ પહેલા અસલી કામ રોયલ ચેલેન્જર્સ બેંગ્લોરના બોલરોએ કર્યું હતું. હવે આરસીબીના બોલરો લયમાં હોય તેવું લાગી રહ્યું છે. હવે આ સિઝન એવા તબક્કે પહોંચી ગઈ છે જ્યાં તમારે જીતવા માટે ગતિની જરૂર પડશે.

'પ્લેઓફનો રસ્તો RCB માટે ખૂબ જ પડકારજનક રહેશે'

જો કે, તેમ છતાં, અજય જાડેજાનું માનવું છે કે રોયલ ચેલેન્જર્સ બેંગ્લોર માટે પ્લેઓફનો રસ્તો ઘણો પડકારજનક રહેશે. આ ટીમ માટે અંતિમ 4માં જગ્યા બનાવવી આસાન નહીં હોય. પરંતુ છેલ્લી સતત 3 મેચ જીત્યા બાદ તેઓએ નિશ્ચિતપણે તેમની આશા જીવંત રાખી છે. તમને જણાવી દઈએ કે હવે રોયલ ચેલેન્જર્સ બેંગ્લોરના 11 મેચમાં 8 પોઈન્ટ છે. ફાફ ડુ પ્લેસિસની આગેવાની હેઠળની રોયલ ચેલેન્જર્સ બેંગ્લોર પોઈન્ટ ટેબલમાં સાતમા સ્થાને પહોંચી ગઈ છે. અગાઉ RCB દસમા સ્થાને હતું.