ત્રીજા તબક્કાના મતદાન પહેલા પ્રચાર પડઘમ શાંત થઇ ગયા છે. 7મેના રોજ લોકસભા ચૂંટણીનું ત્રીજા તબક્કાનું મતદાન યોજાશે. ગુજરાતની સુરત સિવાયની તમામ લોકસભા બેઠક ઉપર 7મેના રોજ મતદાન થશે. ગુજરાતની 5 વિધાનસભાની પેટાચૂંટણી માટે પણ મતદાન થશે. ગુજરાતમાં ચૂંટણી પ્રચારના પડઘમ શાંત થતા હવે ઉમેદવારો ડોર ટુ ડોર પ્રચાર કરશે, ખાટલા બેઠકો પણ યોજાશે.. આ બધા વચ્ચે સવાલ એ થાય છે કે ગુજરાતના મતદારના મનમાં શું છે.
પ્રચાર પડઘમ શાંત થઇ ગયા છે, જાણીએ શુ છે સામાન્ય આચાર સંહિતા
1..મતવિસ્તારના મતદાર સિવાયની બહારની વ્યક્તિઓએ વિસ્તાર છોડી દેવો પડે
2 હવે કોઈ રેલી, જાહેરસભા ન થઈ શકે
3 ટીવી કે અન્ય માધ્યમથી રાજકીય પક્ષ કે ઉમેદવારની જાહેરાત ન થઈ શકે
4 સંગીત, નાટક કે નૃત્ય દ્વારા પક્ષ કે ઉમેદવારના સમર્થનમાં કાર્યક્રમ ન થઈ શકે
5 ઉમેદવાર ડોર ટુ ડોર પ્રચાર કરી શકે
6 ડોર ટુ ડોર પ્રચારમાં પાંચ જ વ્યક્તિ જઈ શકે
7 ડોર ટુ ડોર પ્રચારમાં પક્ષનું બેનર સાથે નહીં રાખી શકાય
8 રાજકીય પક્ષનો ખેસ કે ટોપી પહેરી શકાય
આ ચૂંટણીમાં અત્યાર સુધીમાં ગુજરાતમાં જેની ચર્ચા વધુ થઈ તે મુદ્દાઓ પર નજર કરીએ તો
-લેઉવા પટેલ સમાજના નામે ફરતી થયેલી પત્રિકા
-નિલેશ કુંભાણીની ઉમેદવારી રદ થવી
-ક્ષત્રિય સમાજ અને પરશોતમ રૂપાલા
-ઉમેદવારોની પસંદગી પછીનો વિરોધ
-રોહન ગુપ્તાએ પરત ખેંચેલી ઉમેદવારી અને પછી રાજીનામું
આ વખતે ઇલેક્શનમાં ઉપરોક્ત મુદ્દાઓ ખુબ ચર્ચામાં રહ્યા હતા.
વ્યક્તિગત પ્રહારની વાત કરીએ તો નીચેના મુદ્દાઓ ચર્ચામાં રહ્યા .
બનાસની બેન V/s બનાસ બેંક
સરપંચ V/s તાલુકા પંચાયતના ડેલિગેટ
સ્થાનિક ઉમેદવાર V/s આયાતી ઉમેદવાર
શહેજાદા V/s શહેનશાહ
હવે એ જાણીએ કે લોકસભા ચૂંટણીની સાથે-સાથે ગુજરાતમાં કઇ પાંચ વિધાનસભા બેઠકો પર પેટા ચૂંટણી હાથ ધરાવવાની છે...આ બેઠકો પર નજર કરીએ તો
-વાઘોડિયા
-વીજાપુર
-માણાવદર
-પોરબંદર
-ખંભાત
આમ લોકસભા ચૂંટણીની સાથે -સાથે આ પાંચ વિધાનસભા બેઠકો પર કોણ બાજી મારે છે તે જોવું પણ મહત્વનું બની રહેવાનું છે.
