લોકસભા ચૂંટણી / VIDEO : પ્રાણ પ્રતિષ્ઠા બાદ પહેલી વાર અયોધ્યામાં PM મોદી, રામલલાના દર્શન કરીને લીધા આશીર્વાદ

લોકસભા ચૂંટણીનો ધૂઆધાર પ્રચાર કરી રહેલા પીએમ મોદી આજે અયોધ્યા પહોંચ્યાં હતા અને ભગવાન રામના દર્શન કર્યાં હતા. 22 જાન્યુઆરીએ અયોધ્યામાં ભગવાન રામના મંદિરના ઉદ્ધાટન બાદ પહેલી વાર પીએમ મોદી અયોધ્યા પહોંચ્યાં હતા. મંદિરમાં પીએમ મોદીએ પ્રભુ શ્રીરામના ચરણો દંડવત પ્રણામ કર્યાં હતા અને જીતના આશીર્વાદ લીધાં હતા. રામલલાના દર્શન બાદ પીએમ મોદીએ સીએમ યોગી સાથે 2 કિલોમીટર લાંબો રોડ શો પણ કર્યો હતો.

પીએમ મોદીને જોઈને લોકોમાં અનેરો હરખ

પીએમ મોદીના રોડ શોને લઈને અયોધ્યામાં ભારે ભીડ ભેગી થઈ હતી તેમાં વડીલોથી માંડીને યુવા અને નાના બાળકો પણ હાજર રહ્યાં હતા. પીએમ મોદીને આવેલા જોઈને લોકોમાં પણ અનેરો હરખ જોવા મળ્યો હતો.

વધુ વાંચો : છેલ્લા દિવસે કોંગ્રેસ લગાવ્યું એડીચોટીનું જોર, જુઓ ક્યાં કેવો પ્રચાર

ભાજપના ઉમેદવાર લલ્લુ સિંહના સમર્થનમાં રોડ શો

પીએમ મોદીએ ફૈઝાબાદ (અયોધ્યા) લોકસભા ક્ષેત્રથી ભાજપના ઉમેદવાર લલ્લુ સિંહના સમર્થનમાં 2 કિલોમીટર લાંબો રોડ શો કર્યો હતો. ફૈઝાબાદમાં 20 મેના રોજ પાંચમા તબક્કામાં મતદાન થવાનું છે. બસપાએ અયોધ્યા (ફૈઝાબાદ લોકસભા મતવિસ્તાર)થી એક બ્રાહ્મણ ચહેરાને મેદાનમાં ઉતાર્યો છે. માયાવતીએ બસપામાં જોડાયા બાદ અને આંબેડકર નગર ભાજપના જિલ્લા અધ્યક્ષમાં જોડાયા બાદ અયોધ્યાથી સચિદાનંદ પાંડે 'સચિન'ને ટિકિટ આપી છે. બીજી તરફ ભાજપે લલ્લુ સિંહ પર વિશ્વાસ વ્યક્ત કર્યો છે અને સમાજવાદી પાર્ટી-કોંગ્રેસ ગઠબંધને આ સીટ પર અવધેશ પ્રસાદ પર વિશ્વાસ વ્યક્ત કર્યો છે.