બોલિવૂડ / 'સિંઘમ અગેન'માં જોવા મળશે દીપિકા અને કરીનાનો જલવો, બેબોએ બન્નેના રોલ પર કર્યો ખુલાસો

કરીના કપૂર ખાન અને દીપિકા પાદુકોણ બૉલીવુડની સૌથી ફેમસ અભીનેત્રીઓ માંથી એક છે અને આ બંનેએ પોતાના અભિનયથી સતત દર્શકો અને ફિલ્મ સમીક્ષકોનું દિલ જીતી રહી છે. બંનેએ પોતાના કરિયરમાં ઘણી હિટ ફિલ્મો આપી છે.

જાણીતું છે કે કરીના કપૂર ખાન હાલમાં જ ફિલ્મ 'ક્રુ'માં જોવા મળી હતી. તે જ સમયે, દીપિકા પાદુકોણ અભિનેતા રિતિક રોશન સાથે ફિલ્મ 'ફાઇટર'માં જોવા મળી હતી. હવે બંને અભિનેત્રીઓ સિંઘમ અગેઈન ફિલ્મમાં સાથે જોવા મળશે.

'સિંઘમ અગેઇન'માં કરીના અને દિપીકા સાથે અજય દેવગન, રણવીર સિંહ, અક્ષય કુમાર, ટાઈગર શ્રોફ, અર્જુન કપૂર જેવા કલાકારોની શાનદાર કાસ્ટ છે. કહેવાય રહ્યું છે કે આ રોહિત શેટ્ટીની એક્શન શૈલીની ફિલ્મ લાગે છે, પરંતુ કરીના કહે છે કે તેમાં તેના અને દીપિકા પાદુકોણના રોલ ઘણો પાવરફૂલ અને મહત્વનો છે.

કરીના કપૂર ખાને કહ્યું કે, 'દીપિકા પાદુકોણ અને હું આ ફિલ્મમાં ખૂબ જ મજબૂત ભૂમિકા ભજવવાના છીએ. પરંતુ દેખીતી રીતે તે ખૂબ જ અલગ હશે, આ ફિલ્મ આ વર્ષ માટે બોલિવૂડ માટે એક મોટું બોનસ છે, અને મને ખાતરી છે કે લોકો તેનો આનંદ માણશે.'

વધુ વાંચો: પરિણીતી ચોપરાનું બોલિવૂડથી નહીં ટીવીથી થયું ડેબ્યૂ, 13 વર્ષની ઉંમરે દૂરદર્શનથી કરી શરૂઆત, થ્રોબેક વીડિયો વાયરલ

આ સાથે જ કરીનાએ 'ક્રુ'ની સફળતા વિશે પણ વાત કરી અને ફિલ્મને સમર્થન આપવા બદલ મહિલાઓ અને પરિવારોનો આભાર વ્યક્ત કર્યો હતો. વર્ક ફ્રન્ટની વાત કરીએ તો કરીના સિંઘમ અગેઇન સિવાય ફિલ્મમેકર હંસલ મહેતાની આગામી ફિલ્મમાં જોવા મળશે. તે જ સમયે, દીપિકા તેની આગામી ફિલ્મ 'કલ્કી 2898 એડી' પર કામ કરી રહી છે.