Delhi News : સુપ્રીમ કોર્ટના આદેશ બાદ ઈલેક્ટોરલ બોન્ડ સાથે જોડાયેલી ઘણી માહિતી લોકો સામે આવી છે. ચૂંટણી પંચની વેબસાઈટ પર જારી કરાયેલા ડેટા બાદ સામે આવ્યું છે કે, ચૂંટણી બોન્ડની ખરીદી કરતી ઓછામાં ઓછી 26 એવી કંપનીઓ છે જે તપાસ એજન્સીઓના રડાર પર હતી. વિગતો મુજબ તપાસ એજન્સીઓએ કાર્યવાહી શરૂ કર્યા પછી આમાંથી 16 કંપનીઓએ ચૂંટણી બોન્ડ દ્વારા રાજકીય પક્ષોને દાન આપવાનું શરૂ કર્યું. એક ખાનગી મીડિયાના અહેવાલ મુજબ ભાજપ સહિત અન્ય રાજકીય પક્ષો દ્વારા ચૂંટણી બોન્ડ દ્વારા મળેલા દાનમાંથી 37.34 ટકા આ કંપનીઓમાંથી આવ્યા હતા.
રિપોર્ટ અનુસાર એપ્રિલ 2019થી ફેબ્રુઆરી 2024ની વચ્ચે આ 26 કંપનીઓએ જ રૂ. 700 કરોડથી વધુના બોન્ડ ખરીદ્યા છે. તપાસ એજન્સીઓના રડાર પર આવ્યા પછી ચૂંટણી બોન્ડની ખરીદીમાં વધારો થયો હતો. આમાંથી 10 કંપનીઓ એવી છે કે, જેમણે 100 કરોડ રૂપિયાથી વધુના બોન્ડ ખરીદ્યા છે. લોટરી કિંગ સેન્ટિયાગો માર્ટિન્સ ફ્યુચર ગેમિંગ જેણે મહત્તમ સંખ્યામાં ઇલેક્ટોરલ બોન્ડ્સ ખરીદ્યા હતા. તેણે EDની કાર્યવાહી પહેલાં એક પણ બોન્ડ ખરીદ્યો ન હતો. જ્યારે તપાસ એજન્સીએ હુમલો કર્યો ત્યારે તેણે ડીએમકેને 503 કરોડ રૂપિયા દાનમાં આપ્યા હતા. આ સિવાય ટીએમસીને 542 કરોડ રૂપિયાનું દાન પણ આપવામાં આવ્યું હતું. ભાજપને ફ્યુચર ગેમિંગમાંથી 100 કરોડ રૂપિયા પણ મળ્યા. તમને જણાવી દઈએ કે, ફ્યુચર ગેમિંગનો બિઝનેસ તમિલનાડુ અને પશ્ચિમ બંગાળમાં સારો ચાલી રહ્યો હતો.
હલ્દિયા એનર્જીએ ઈલેક્ટોરલ બોન્ડની ખરીદીમાં 16 ગણો વધારો
કેન્દ્રીય તપાસ એજન્સીના રડાર પર આવ્યા બાદ હલ્દિયા એનર્જીએ ઈલેક્ટોરલ બોન્ડની ખરીદીમાં 16 ગણો વધારો કર્યો છે. કંપનીએ સૌપ્રથમ રૂ. 22 કરોડના ઇલેક્ટોરલ બોન્ડ ખરીદ્યા હતા, જેમાંથી તેણે ભાજપને રૂ. 16 કરોડ અને TMCને રૂ. 6 કરોડ આપ્યા હતા. તપાસ એજન્સીની કાર્યવાહી બાદ કંપનીએ 355 કરોડ રૂપિયાના બોન્ડ ખરીદ્યા જેમાંથી 175 કરોડ ભાજપને અને 65 કરોડ ટીએમસીને ગયા. તમને જણાવી દઈએ કે જુલાઈ 2019માં EDએ ફ્યુચર ગેમિંગની 250 કરોડ રૂપિયાની સંપત્તિ જપ્ત કરી હતી. આ પછી ઓક્ટોબર 2020માં કંપનીએ પ્રથમ વખત ચૂંટણી બોન્ડ્સ ખરીદ્યા. પહેલીવાર તેણે ભાજપ માટે 50 કરોડ રૂપિયાના ઈલેક્ટોરલ બોન્ડ ખરીદ્યા હતા.
વધુ વાંચો: ગજબ કહેવાય ! ભાજપ અધ્યક્ષ નડ્ડાની પત્નીની કાર ગાયબ થઈ, કોણ લઈ ગયું? મોટો ઘટસ્ફોટ
પીટીઆઈના અહેવાલ મુજબ આવી 41 કંપનીઓ છે જે કોઈને કોઈ એજન્સીના રડાર પર હતી. આ કંપનીઓએ માત્ર ચૂંટણી બોન્ડ દ્વારા ભાજપને 1698 કરોડ રૂપિયાનું દાન આપ્યું હતું. એ જ રીતે કેવેન્ટરે અગાઉ રૂ. 380 કરોડના બોન્ડ ખરીદ્યા હતા અને તપાસ એજન્સીની કાર્યવાહી બાદ રૂ.192.4 કરોડના ઇલેક્ટોરલ બોન્ડ્સ ખરીદ્યા હતા. તેણે ભાજપને રૂ. 320 કરોડ અને કોંગ્રેસને રૂ. 30 કરોડનું દાન આપ્યું હતું. કાર્યવાહી બાદ કોંગ્રેસને વધુ 91 કરોડ રૂપિયાનું દાન આપવામાં આવ્યું છે. એજન્સીના રડારમાં આવતા પહેલા વેદાંતે 52.65 કરોડ રૂપિયાનું દાન પણ આપ્યું હતું. કાર્યવાહી બાદ રૂ. 347.7 કરોડના ઇલેક્ટોરલ બોન્ડ ખરીદવામાં આવ્યા હતા. હલ્દિયા એનર્જી વિશે વાત કરીએ તો કાર્યવાહી પહેલા તેણે માત્ર 22 કરોડ રૂપિયાના બોન્ડ ખરીદ્યા હતા. કાર્યવાહી બાદ રૂ. 355 કરોડના બોન્ડ ખરીદવામાં આવ્યા હતા. તેણે ટીએમસીને સૌથી વધુ દાન આપ્યું હતું. 2020માં સીબીઆઈએ કંપની વિરુદ્ધ ભ્રષ્ટાચારનો કેસ નોંધ્યો હતો.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
