નિવેદન / 'ક્રિકેટ સાથે મારે કંઇ જ લેવાદેવા નથી', એવું શું થયું કે રતન ટાટાએ કરવો પડ્યો આવો ખુલાસો

• રતન ટાટાએ રાશિદ ખાનને 10 કરોડ રૂપિયા આપવાનું વચન આપ્યું?
• ક્રિકેટ સાથે મારો કોઈ સંબંધ નથી - રતન ટાટા
• આવા વોટ્સએપ ફોરવર્ડ્સ અને વિડિયો પર વિશ્વાસ કરશો નહીં

દેશના જાણીતા ઉદ્યોગપતિ રતન ટાટાએ સોમવારે તેમના નામે કરવામાં આવેલા દાવાઓને ફગાવી દીધા હતા. રતન ટાટાએ ટ્વિટર પર લખ્યું છે કે તેણે ICC અથવા અન્ય કોઈ ક્રિકેટ ફેકલ્ટીને કોઈ સૂચનો આપ્યા નથી. 

રાશિદ ખાનને 10 કરોડ રૂપિયા આપવાનું વચન આપ્યું?
વાસ્તવમાં સોશિયલ મીડિયા પર એક ફેક ન્યૂઝ રિપોર્ટ વાયરલ થઈ રહ્યા હતા. એવું કહેવામાં આવ્યું હતું કે ટાટાએ ક્રિકેટર રાશિદ ખાનને 10 કરોડ રૂપિયા આપવાનું વચન આપ્યું છે. જ્યારે આ વાત સોશિયલ મીડિયા પર વાયરલ થઈ તો રતન ટાટાએ પોતે X ને પોસ્ટ લખીને તેનું ખંડન કર્યું.

I have made no suggestions to the ICC or any cricket faculty about any cricket member regarding a fine or reward to any players.

I have no connection to cricket whatsoever

Please do not believe WhatsApp forwards and videos of such nature unless they come from my official…

— Ratan N. Tata (@RNTata2000) October 30, 2023

ક્રિકેટ સાથે મારો કોઈ સંબંધ નથી
રતન ટાટાએ લખ્યું, 'મેં ICC અથવા કોઈપણ ક્રિકેટ ફેકલ્ટીને કોઈપણ ખેલાડીને દંડ કે ઈનામ આપવા અંગે કોઈ સૂચન આપ્યું નથી. ક્રિકેટ સાથે મારો કોઈ સંબંધ નથી. આવા વોટ્સએપ ફોરવર્ડ્સ અને વિડિયો પર વિશ્વાસ કરશો નહીં સિવાય કે તે મારા સત્તાવાર પ્લેટફોર્મ પરથી આવે.'

પાકિસ્તાન સામેની જીત બાદ ભારતના ઝંડા સાથે કરી ઉજવણી 
રાશિદ ખાન અફઘાનિસ્તાન ક્રિકેટ ટીમનો ખેલાડી છે. તાજેતરમાં જ અફઘાનિસ્તાને વર્લ્ડ કપ 2023માં પાકિસ્તાન સામે શાનદાર જીત નોંધાવી હતી. આ જીત બાદ ટીમના મુખ્ય સ્પિનર ​​રાશિદ ખાને અફઘાનિસ્તાનનો ધ્વજ પોતાના ખભા પર મૂકીને ઉજવણી કરી હતી. સોશિયલ મીડિયા પર એવી અફવાઓ પણ છે કે રાશિદ ખાને પાકિસ્તાન સામેની જીત દરમિયાન ભારતીય ધ્વજ સાથે ઉજવણી કરી હતી, જેના માટે ICCએ તેને 55 લાખ રૂપિયાનો દંડ ફટકાર્યો હતો.

જે બાદ કેટલાક ન્યૂઝ આઉટલેટ્સ અને સોશિયલ મીડિયા પ્લેટફોર્મ્સે દાવો કર્યો હતો કે ટાટાએ રશીદ ખાનને કથિત રીતે ભારતીય ધ્વજ પ્રદર્શિત કરવા બદલ ICC દ્વારા દંડ ફટકાર્યા પછી રૂ. 10 કરોડ આપવાનું વચન આપ્યું હતું તે પછી તેમની પોસ્ટ આવી છે.આ ઘટના તે દિવસે બની જ્યારે અફઘાનિસ્તાને ODI વર્લ્ડ કપ 2023ની મેચ દરમિયાન પાકિસ્તાન સામે મોટી જીત નોંધાવી હતી.