8 ફોટો ગેલેરી

તમારા કામનું / ફ્રીઝરમાં જામી બરફથી પરેશાન? મિકેનિક વિના ઘરે જ 3 સેફ અને સરળ રીતે મિનિટોમાં કરો ડિફ્રોસ્ટ

Last Updated: 12:20 PM, 17 September 2026

FOLLOW ON

શેર કરો

Fridge Care Tips: જો તમારા જૂના રેફ્રિજરેટરના ફ્રીઝરમાં બરફનું પહાડ જેવું જાડું પડ ધીમે ધીમે જામવા લાગ્યું હોય, તો તેને માત્ર સામાન્ય કે નજીવી ગંદકી સમજીને અવગણશો નહીં. બરફનું વધુ પડતું પડ જામવાથી માત્ર ફ્રીઝરની અંદરની ઉપયોગી જગ્યા જ ઘટતી નથી, પરંતુ હવાના પ્રવાહ અને ઠંડક આપવાની ક્ષમતા પર પણ વિપરીત અસર પડી શકે છે.

1/8

1. ફ્રીઝરમાં બરફ જામી જવાની મોટી સમસ્યા

ફ્રિજએ રસોડાનું એવું એપ્લાયન્સ છે જે દિવસના 24 કલાક સતત ચાલતું રહે છે. ખોરાક અને પીણાંને લાંબા સમય સુધી તાજા રાખવા માટે તેમાં સતત ઠંડું તાપમાન જાળવી રાખવું જરુરી છે. જોકે, ઘણીવાર એવી કેટલીક સમસ્યાઓ ઊભી થાય છે જેને લોકો સામાન્ય ગણીને અવગણે છે, આવી જ એક સમસ્યા ફ્રીઝરમાં બરફ જામી જવાની છે. જો તમારા જૂના રેફ્રિજરેટરના ફ્રીઝરમાં બરફનું પહાડ જેવું જાડું પડ ધીમે ધીમે જામવા લાગ્યું હોય, તો તેને માત્ર સામાન્ય કે નજીવી ગંદકી સમજીને અવગણશો નહીં. બરફનું વધુ પડતું પડ જામવાથી માત્ર ફ્રીઝરની અંદરની ઉપયોગી જગ્યા જ ઘટતી નથી, પરંતુ એરફ્લો અને કુલિંગ પર પણ વિપરીત અસર પડી શકે છે.

આ તસવીર શેર કરો

2/8

2. ફ્રીઝરમાંથી બરફ ઓગાળી દેવો જરુરી

તેથી જ જૂના ફ્રિજને સમયાંતરે 'ડિફ્રોસ્ટ' કરવા એટલે કે તેમાં જામી ગયેલો બરફ ઓગાળી નાખવો જરૂરી છે. જો તમે યુનિટને ડિફ્રોસ્ટ ન કરો, તો ફ્રિજને ઠંડક જાળવી રાખવા માટે વધુ મહેનત કરવી પડે છે, જેના પરિણામે વીજળીનું બિલ વધી જાય છે. સારી વાત એ છે કે આ માટે તમારે કોઈ મિકેનિકને બોલાવવાની જરૂર નથી. તમે કેટલીક સરળ અને સુરક્ષિત પદ્ધતિઓનો ઉપયોગ કરીને ઘરે જ ફ્રીઝરમાંથી બરફ દૂર કરી શકો છો.

આ તસવીર શેર કરો

3/8

3. ફ્રીઝરમાં ક્યાંથી જામે છે આટલો બરફ?

ફ્રિજનો દરવાજો વારંવાર ખોલવાથી બહારની ગરમ અને ભેજવાળી હવા અંદર પ્રવેશે છે. ફ્રીઝરની ઠંડી સપાટીના કોન્ટેક્ટમાં આવતાં તેમાંથી ભેજ જામવા લાગે છે અને ધીમે ધીમે બરફનું જાડું પડ બની જાય છે. ભેજવાળા વાતાવરણમાં આ પ્રક્રિયા ઝડપી બની શકે છે. બરફનું વધુ પડતું જમા થવું ફ્રીઝરમાં વસ્તુઓ રાખવાની જગ્યા પણ ઘટાડે છે.

આ તસવીર શેર કરો

4/8

4. વધારે બરફથી કુલિંગ પર પડી શકે છે અસર

ફ્રીઝરમાં બરફનું જાડું પડ જામી જવાથી હવાના પ્રવાહ અને ઉષ્માના વહન પર અસર પડી શકે છે. આના કારણે યોગ્ય તાપમાન જાળવી રાખવા માટે ફ્રિજને વધુ મહેનત કરવી પડી શકે છે. સંશોધન દર્શાવે છે કે વધુ પડતો ફ્રોસ્ટ ફ્રીઝરની ઠંડક આપવાની કાર્યક્ષમતામાં 15 થી 25ટકાનો ઘટાડો કરી શકે છે.

આ તસવીર શેર કરો

5/8

5. શું દરેક ફ્રિજને ડીફ્રોસ્ટ કરવુ જરુરી છે?

જો તમે વિચારી રહ્યા છો કે શું તમારે તમારા ફ્રીઝરને દરરોજ ડિફ્રોસ્ટ કરવાની જરૂર છે, તો એવું નથી. મોટાભાગના આધુનિક રેફ્રિજરેટર્સમાં 'ઓટોમેટિક ડિફ્રોસ્ટ સિસ્ટમ' હોય છે, તેથી જાતે ડિફ્રોસ્ટ કરવાની જરૂર રહેતી નથી. જોકે, જૂના મોડલ્સમાં, જામી ગયેલા બરફના જાડા પડને સમયાંતરે દૂર કરવું આવશ્યક છે. 'ફ્રોસ્ટ-ફ્રી' રેફ્રિજરેટર્સમાં પણ જો બરફ જામવાની સમસ્યા જોવા મળે, તો દરવાજાની રબરની સીલ અથવા ડિફ્રોસ્ટ સિસ્ટમની તપાસ કરાવવી મહત્વપૂર્ણ છે.

આ તસવીર શેર કરો

6/8

6. ફ્રિજ બંધ કરો અને બરફને પોતાની મેળે ઓગળવા દો

ફ્રિજને બંધ કરો, તેનું પ્લગ કાઢી નાખો અને અંદરની તમામ સામગ્રીને આઈસ પેક્સ સાથેના કુલરમાં ખસેડો. જમીન પર ટુવાલ પાથરો અને ફ્રીઝરનો દરવાજો ખુલ્લો રાખો. બરફ ઓગળી જાય પછી, પ્લાસ્ટિકના સ્પેટુલા વડે તેને હળવેથી દૂર કરો. જોકે, બરફ ઉખાડવા માટે ક્યારેય છરી કે ધાતુની કોઈ ધારદાર વસ્તુનો ઉપયોગ કરશો નહીં, કારણ કે તેનાથી કૂલિંગ લાઈન્સને નુકસાન થઈ શકે છે.

આ તસવીર શેર કરો

7/8

7. ગરમ પાણીની વરાળનો ઉપયોગ કરીને બરફ ઓગાળો

ફ્રિજ બંધ કરીને તેનું પ્લગ કાઢી નાખ્યા પછી, ફ્રીઝરમાં ગરમ પાણી ભરેલું ગરમી-પ્રતિરોધક વાસણ મૂકો. તેનાથી ઉત્પન્ન થતી વરાળ બરફને ઝડપથી છૂટો કરવામાં મદદ કરશે. પાણી ઠંડું પડી જાય ત્યારે તમે તેને બદલી શકો છો. ધ્યાન રાખો કે પાણી સીધું ફ્રીઝરની દીવાલો કે ઇલેક્ટ્રિકલ ભાગ પર ન પડે.

આ તસવીર શેર કરો

8/8

8. પંખાનો ઉપયોગ કરીને બરફ ઓગાળો

ફ્રીઝરનું પ્લગ કાઢી નાખો, તેનો દરવાજો ખોલો અને બહારના પંખાની હવા સીધી યુનિટની અંદર આવે તેમ ગોઠવો. રુમ ટેમ્પ્રેચરવાળી હવા બરફને ઝડપથી ઓગાળવામાં મદદ કરશે. નીચે ટુવાલ મૂકો અને ઢીલો થયેલો બરફ હળવેથી દૂર કરો.

આ તસવીર શેર કરો

સંકળાયેલા મુદ્દાઓ

how to defrost refrigerator defrosting is improtant freezer ice removal hacks