આજે મોટાભાગના લોકો સ્માર્ટફોનનો ઉપયોગ કરે છે. સ્માર્ટફોન પડછાયાની જેમ 24 કલાક આપણી સાથે રહે છે. રાતે સુતી વખતે લોકો સ્માર્ટફોન પથારીમાં સાથે રાખે છે. નિષ્ણાતોના મતે સ્માર્ટફોનને સતત શરીરની સાથે સાથે રાખવો આરોગ્ય માટે નુકસાનકારક છે. તેનાથી કયારેક ગંભીર બિમારીનો પણ ખતરો રહે છે.
પેન્ટના પાછળના ખિસ્સામાં ફોન રાખવાથી તૂટી જવાનું જોખમ રહે છે
સ્માર્ટફોનમાંથી ઇલેક્ટ્રોમેગ્નેટિક રેડિયેશન સતત નીકળતા રહે છે
ફોનને આગળના ખિસ્સામાં રાખવાથી પુરુષોમાં સ્પર્મ કાઉન્ટ ઓછા થવાની શકયતા રહે છે
પુરુષો પેન્ટના પાછળના ખિસ્સામાં ફોન રાખે છે
મોટાભાગના લોકો અને ખાસ કરીને પુરુષો પેન્ટના પાછળના ખિસ્સામાં ફોન રાખે છે. આવી સ્થિતિમાં ફોન તૂટી જવાનું જોખમ વધી જાય છે. ઉપરાંત, તેનાથી પેટની સાથે પગમાં પણ દુખાવો થાય છે. ડોકટરોએ પણ કહે છે કે નિતંબના હાડકા પર સતત દબાણ આવતા નુકસાન થાય છે.
સ્માર્ટફોનને ઓશીકા નીચે મૂકીને સૂવાથી લોકોને માથાનો દુખાવો અને ચક્કર આવે છે
ઘણા લોકો તેમના સ્માર્ટફોનને ઓશીકા નીચે મૂકીને સૂઈ જાય છે.જે આરોગ્ય માટે ઘણું ખતરનાક છે. તેનાથી લોકોને માથાનો દુખાવો અને ચક્કર આવે છે. કારણ કે સ્માર્ટફોનમાંથી ઇલેક્ટ્રોમેગ્નેટિક રેડિયેશન સતત નીકળતા રહે છે.તેથી તેને સતત માથા પાસે રાખવો ન જોઇએ.મોટાભાગના લોકો મોબાઇલમાં એલાર્મ સેટ કરે છે.જો સમાર્ટફોનનો ઉપયોગ એલાર્મ તરીકે ઉપયોગ કરવો હોઇ તો એરપ્લેન મોડ પર રાખવો જોઇએ.કેટલાક લોકો તેમના ફોનને આગળના ખિસ્સામાં રાખે છે. પરંતુ પુરુષોમાં તેનાથી સ્પર્મ કાઉન્ટ ઓછા થવાની શકયતા રહે છે અને તેની ગુણવત્તા પણ બગડી શકે છે. બાળકો સાથે ફોન રાખવો પણ જોખમ મુક્ત નથી.
રસોડામાં મોબાઈલ રાખવાથી વિસ્ફોટ થવાની શકયતા રહે છે
એક સંશોધન મુજબ બાળકો સતત ફોન સાથે રાખે તો હાયપરએક્ટિવિટી સહિતના કેટલાક ડિસઓર્ડર થઈ શકે છે. મહિલાઓને મોબાઈલને રસોડામાં ગેસની નજીક રાખવાની ટેવ હોય છે.આ ટેવ કયારેક ઘાતક પુરવાર થઇ શકે છે. કેમ કે ગેસની ગરમી અથવા આગથી મોબાઇલમાં વિસ્ફોટ થવાની શકયતા રહે છે.