કામની વાત / કલાકમાં કેટલું વીજબીલ બચાવશે દોઢ ટનનું AC? ઓન કરતા પહેલાં આટલું ખાસ જાણી લેજો

ગરમી વધવા લાગી છે અને ગરમીથી છુટકારો મેળવવા માટે પંખા, કુલર અને AC નો વપરાશ વધી રહ્યો છે. ઉનાળાની ઋતુમાં લોકોના ઘરનો ખર્ચ વધી જાય છે કારણ કે AC ચલાવવાથી વીજળીનું બિલ વધારે આવે છે. પરંતુ શું તમે જાણો છો કે જો તમે તમારા ઘરમાં એક કલાક માટે દોઢ ટનનું AC ચલાવો છો તો વીજળીનું બિલ કેટલું આવશે? ACની ઠંડક તેની ક્ષમતા પર નિર્ભર કરે છે. AC ની ક્ષમતા જેટલી વધારે છે, તેટલી વધુ ઠંડક આપે છે.

પાવર એફિશિયન્ટ AC 

વાસ્તવમાં, તમારું AC કેટલી વીજળી વાપરે છે તે ઘણા પરિબળો પર આધાર રાખે છે. આમાંથી એક છે એસીનું સ્ટાર રેટિંગ. બજારમાં એકથી પાંચ સ્ટાર સુધીના AC વેચાય છે. વન સ્ટાર AC ની કિંમત સૌથી ઓછી હોય છે કારણ કે તે સૌથી વધુ વીજળી વાપરે છે. જયારે ફાઇવ સ્ટાર AC સૌથી ઓછી વીજળી વાપરે છે. તેથી તેની કિંમત વધારે હોય છે. ફાઇવ સ્ટાર AC સૌથી વધુ પાવર એફિશિયન્ટ હોય છે.

કેટલી વપરાય છે વીજળી 

જો તમારી પાસે તમારા ઘરમાં ફાઇવ સ્ટાર રેટિંગ ધરાવતું 1.5 ટનનું સ્પ્લિટ AC છે, તો તે પ્રતિ કલાક 840 વોટ (0.8kWh) વીજળી વાપરે છે. જો તમે તેને દિવસમાં સરેરાશ આઠ કલાક ચલાવો છો, તો વીજળીનો વપરાશ 6.4 યુનિટ થશે. જો વીજળીનો દર 7.50 રૂપિયા પ્રતિ યુનિટ છે, તો બિલ એક દિવસમાં 48 રૂપિયા અને મહિનામાં લગભગ 1500 રૂપિયા આવશે.

વધુ વાંચો: પડોશીએ હેરાન હેરાન કરી મૂક્યા છે! ક્યાં કરવી ફરિયાદ, કાયદા મુજબ કેટલા મહિના થાય જેલ

ત્રણ સ્ટાર રેટિંગવાળું AC 

જો આપણે થ્રી સ્ટાર રેટેડ ACના પાવર વપરાશ વિશે વાત કરીએ, તો તે પ્રતિ કલાક 1104 વોટ્સ (1.10 kWh) પાવર વાપરે છે. જો તમે તેને દિવસમાં આઠ કલાક ચલાવો છો, તો તે એક દિવસમાં 9 યુનિટ વીજળીનો વપરાશ કરશે. આ હિસાબે તમારો રોજનો વીજળીનો ખર્ચ 68 રૂપિયા થશે. તમારે એક મહિનામાં લગભગ 2000 રૂપિયાનું વીજળીનું બિલ ચૂકવવું પડશે. ફાઇવ સ્ટાર રેટિંગવાળા AC થોડા મોંઘા હોય છે, પરંતુ તે ઓછી વીજળી વાપરે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો