કામની વાત / પડોશીએ હેરાન હેરાન કરી મૂક્યા છે! ક્યાં કરવી ફરિયાદ, કાયદા મુજબ કેટલા મહિના થાય જેલ

ઘણીવાર એવું જોવામાં આવ્યું છે કે લોકો તેમના પડોશીઓ સાથે હળવા-મળતા નથી. ઘણી વખત પડોશીઓ ઘણી મુશ્કેલી ઉભી કરે છે અને લોકોને તેમના ઘર ખાલી કરવા મજબૂર કરી નાખે છે. લોકો એવું વિચારીને ચૂપ રહે છે કે કોણ કાયદાકીય મુશ્કેલીમાં પડે અથવા કોણ એમની સાથે વિવાદ કરે. હવે જો તમારો પણ કોઈ પાડોશી તમને સતત હેરાન કરતો હોય તો તમે તેની ફરિયાદ કરી શકો છો. એટલે કે, તમારે મૌન રહેવાની જરૂર નથી, કારણ કે તમે જેટલું મૌન રહેશો, તે તમને વધુ પરેશાન કરશે.

ઘણી રીતે કરે છે પરેશાન 

ઘણા લોકો તેમના પડોશીઓને પરેશાન કરવા માટે દરરોજ જાણીજોઈને મોટેથી મ્યુઝિક વગાડે છે, જ્યારે કેટલાક લોકો જાણીજોઈને તેમના પાડોશીના ઘરની સામે તેમની બાઇક અથવા કાર પાર્ક કરી દે છે. કેટલાક લોકો તેમના ઘરની સામે કચરો ફેંકીને પડોશીઓને હેરાન કરે છે. જ્યારે આવું થાય છે, ત્યારે ઘણી વાર ઝઘડા થાય છે, પરંતુ ઉમદા અથવા નબળા લોકો આ ઝઘડાઓને ટાળવાનો પ્રયાસ કરે છે. આવી સ્થિતિમાં તેઓ કાયદાનો સહારો લઈ શકે છે.

આ રીતે કરો ફરિયાદ 

જો કોઈ પાડોશી તમને હેરાન કરે તો તરત જ પોલીસને જાણ કરો. જો પોલીસ આ મામલે કંઈ ન કરે તો તમે તમારા વિસ્તારના SDMને લેખિત ફરિયાદ કરી શકો છો. જો આરોપો સાચા સાબિત થાય છે, તો તમારા પાડોશીને IPCની કલમ 291 હેઠળ 6 મહિના સુધીની જેલની સજા થઈ શકે છે. આવી સ્થિતિમાં તમારો પાડોશી તમને ફરી ક્યારેય હેરાન નહીં કરી શકે.

વધુ વાંચો: 'વેચેલો માલ પાછો લેવામાં આવશે નહીં...' દુકાનમાં આવું લખવું ગેરકાયદેસર, જાણો શું છે નિયમ

હવે, જો તમારા કોઈ પરિચિત કે સગા-સંબંધીઓના પડોશીઓ પણ આવી હરકત કરતા હોય તો તેમને આ કાયદા વિશે ચોક્કસ જણાવો. જો કહેવા કે ચેતવણી આપ્યા પછી પણ તેઓ સહમત ન થાય તો તમે તેને પોલીસ દ્વારા સરળતાથી પાઠ ભણાવી શકો છો.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો